Mäjılıs deputaty Samat Nūrtaza Qazaqstannyŋ būrynǧy prezidentı Nūrsūltan Nazarbaev pen Resei prezidentınıŋ kezdesuıne alaŋdauşylyq bıldırdı, dep habarlaidy "Adyrna" ūlttyq portaly QazTAG-qa sıltep.
Būl turaly ol öz Facebook paraqşasynda jazdy.
Deputattyŋ aituynşa, mūndai kezdesuler onyŋ ışkı alaŋdauşylyǧyn tudyrady, jäne būl kezdesu 2021 jyly Sankt-Peterburgte ötken Nazarbaev pen Putinnıŋ soŋǧy kezdesuımen salystyryluy mümkın, ol kezde keiınnen Qazaqstandaǧy «Qaŋtar oqiǧalary» oryn alǧan edı. Samat Nūrtaza özınıŋ jazbasynda:
«Eger şyndyqty aitatyn bolsaq, menı osyndai kezdesuler ışkı alaŋdauşylyqqa toltyrady. Bırden 2021 jylǧy Peterburgtegı kezdesuden keiıngı «Qaŋtar oqiǧalary» esıme tüsedı. Menıŋşe, är adam öz jūmysyna jauapty bolyp, qazırgı kezdegı ornyndaǧy mındetın oryndauy tiıs», — dep jazǧan.Mäjılısmen sondai-aq, basqa elderdegı būrynǧy prezidentterdıŋ saiasattan qol üzıp, tek öz ömırlerımen ainalysqanyn mysalǧa keltırdı.
«Men Şuşkevich nemese Kuchma siiaqty būrynǧy prezidentterdıŋ basqa eldermen kezdeskenın körgen joqpyn. Şevardnadze men Aqaev te saiasatta eşqaşan körıngen joq. Nege bızdıŋ eks-prezident ünemı saiasatqa aralasuy kerek? Nelıkten ol Mäskeuge jyl saiyn ūşyp barady? Älde būl ädet pe? Sovet odaǧy kezınen qalǧan daǧdy ma? Kremlden maqūldau alu kerek bolǧan şyǧar? Eger ol jai ǧana turist retınde ūşyp baryp kelse, eşkım eşteŋe aitpaityn bolar edı. Bıraq, ol bırden äuejaidan şyǧyp, Novo-Ogorevoda, Putinmen kezdesuge barady. Būl alaŋdatady. Aşyq aitqanda, men eşqandai daǧdarys pen dürbeleŋdı qalamaimyn», — dep öz alaŋdauşylyǧyn bıldırdı.Deputat sondai-aq, halyq arasynda türlı qauesetterdıŋ taralyp jatqanyna nazar audaryp, Reseige jasaǧan sapardan keiın būl qauesetterdıŋ qaita küşeiıp ketuı mümkın ekenın aitty. Onyŋ pıkırınşe, mūndai jaǧdai qoǧamnyŋ, sondai-aq el basşylyǧynyŋ ışkı bırlıgıne jäne tūraqtylyǧyna kerı äserın tigızuı mümkın. Esterıŋızge sala keteiık, 13 jeltoqsan künı Kreml Nūrsūltan Nazarbaev pen Vladimir Putinnıŋ Reseidegı prezidenttık rezidensiiada kezdesu ötkızgenın habarlady.
Ūqsas jaŋalyqtar
