Memleket basshysy Qasym-Jomart Toqaev «QazMunaıGaz» ulttyq kompanııasynyń basqarma tóraǵasy Maǵzum Myrzaǵalıevti qabyldady, - dep habarlaıdy "Adyrna" tilshisi Aqordanyń baspasóz qyzmetine silteme jasap.
Memleket basshysy kompanııanyń 2023 jyldyń birinshi jarty jyldyǵyndaǵy operaııalyq jáne qarjylyq qyzmetiniń qorytyndylary týraly esebin tyńdady. Memleket basshysyna «QazMunaıGaz» ótken jyldyń sáıkes kezeńimen salystyrǵanda barlyq negizgi kórsetkishter boıynsha ósimge qol jetkizgeni týraly habarlandy.
Maǵzum Myrzaǵalıev iri ınvestıııalyq jobalardyń iske asyrylý barysy týraly, atap aıtqanda, Atyraý oblysynda qýattylyǵy jylyna 1 250 myń tonna polıetılen zaýytynyń jáne Mańǵystaý oblysynyń Jańaózen qalasynda jańartylatyn energııa kózderin paıdalanatyn gıbrıdti elektr stanııasynyń qurylysy týraly baıandady.
Prezıdentke munaı óńdeý zaýyttarynyń jumysy, óndiris qarqyny men janar-jaǵarmaı qoryn qalyptastyrý týraly aqparat berildi. Atap aıtqanda, «QazMunaıGaz» franýzdyq Air Liquide kompanııasymen birlesip, Pavlodar munaı-hımııa zaýytynda qysqy dızel otynyn 160 myń tonnaǵa deıin óndirýge múmkindik beretin jobany júzege asyrmaq.
Qorytyndylaı kele, Qasym-Jomart Toqaev geologııalyq barlaý jumystaryn damytý jáne perspektıvalyq barlaý ýchaskelerin zertteýge iri ınvestorlardy tartý boıynsha birqatar tapsyrmalar berdi.
