Memleket basshysy Azııa oıyndarynyń jeńimpazdaryn qabyldady, - dep habarlaıdy "Adyrna" tilshisi Aqordanyń baspasóz qyzmetine silteme jasap.
Prezıdent Qasym-Jomart sportshylardy medaldarymen quttyqtady. Ol Rızabek Aıtmuhannyń erkin kúresten Qazaqstannan shyqqan tuńǵysh qazaq álem chempıony bolǵanyn eske saldy.
«Báseke óte joǵary bolǵan Azıada oıyndarynda el quramasy 10 altyn, 22 kúmis, 48 qola medal ıelendi. Atletterimiz nysana kózdeý, eskek esý, velojarys, djıý-djıtsý sportynan úzdik shyqty. Memleket basshysy karateden jalpy komandalyq esepte birinshi oryn alǵan Qazaqstan quramasyn erekshe atap ótip, osy sport túrinen Azıadaǵa qatysqan 8 sportshynyń bári jeńis tuǵyryna kóterilgenine nazar aýdardy», - dep habarlaıdy Aqordanyń baspasóz qyzmeti.
Qasym-Jomart Toqaevtyń aıtýynsha, jerlesterimizdiń jetistigine jattyqtyrýshylar men basqa da mamandardyń qosqan úlesi zor. Bul rette prezıdent sportta jeńis pen jeńilis qatar júretinin atap ótti.
«Qajyrly eńbek pen jeńiske degen muqalmas erik-jigerdiń arqasynda árqaısyńyz joǵary nátıjege qol jetkizdińizder. Alaıda elimizdiń jalpy kórsetkishi ótken Olımpıada men Azıada oıyndarynan da óte jaqsy bolýy múmkin edi. Muny ashyq aıtýymyz kerek. Boks, aýyr atletıka, erkin jáne grek-rım kúresi dástúrli túrde el quramasynyń qorjynyna júlde salyp, aıtarlyqtaı úles qosatyn. Jeńil atletıka, sporttyń komandalyq túrleri jankúıerlerimizdi kóbirek qýanyshqa bóleıtin. Barlyq sport túri boıynsha ketken qatelikterdi túzetý úshin aýqymdy jumys atqarý qajet», - dedi Memleket basshysy.
Memleket basshysy sport salasy árdaıym memlekettiń nazarynda ekenin atap ótti. Jyl saıyn sportty damytýǵa qomaqty qarjy bólinýde. Degenmen, Qasym-Jomart Toqaevtyń aıtýynsha, elimizdiń sporttaǵy kórsetkishi joǵary deńgeıde emes.
"Ashyǵyn aıtýymyz kerek, nátıjemiz memleketten bólinip jatqan qarajattyń barynsha tıimdi jumsalmaıtynyn kórsetedi. Mundaı jaǵdaıǵa jol berýge bolmaıdy. Sport salasyna túbegeıli ózgerister, ıaǵnı reforma qajet. Tıisti mınıstrlik osy máseleni jan-jaqty qarap, sportty damytýdyń múlde jańa joldaryn usynýy kerek», - dedi Prezıdent.
Aıta keteıik, Qazaqstannyń sport delegaııasy Azııa oıyndaryn 10 altynmen aıaqtady. Bul nátıje qazaqstandyqtarǵa medaldyq esepte sońǵy nusqada 11-orynǵa shyǵýǵa múmkindik berdi.
Birinshi oryndy Qytaı, ekinshi oryndy Japonııa men Ońtústik Koreıa ıelendi. Qazaqstan úshin Hanchjoýdaǵy kórsetkish Jazǵy Azııa oıyndaryna qatysý tarıhyndaǵy eń nashar kórsetkish boldy. 2018 jyly Inchhonda qazaqstandyqtar 9-orynǵa taban tiredi, al alǵashqy alty qurlyqtyq týrnırde medaldyq esepte 5-shi orynnan tómen emes oryndardy ıelendi.
