"Máskeý tórinde úlken meshit salynady" degen habarlamaǵa qarsy shyqqan pravaslavıelik «argrad» belsendilerine Sheshenstannyń prezıdenti Ramzan Qadyrov jaýap berdi. Qadyrov belsendilerdi "sondyq orys topyraǵyna" adaldyq tanytsa, Donbasqa baryp, Reseı múddesi úshin qasyq qany qalǵansha urysqa aralasýǵa shaqyrdy, dep habarlaıdy "Adyrna" ulttyq portaly "Dojd" telearnasyna silteme kórsete otyryp.
Máskeýdegi pravoslavıe ókilderi úshin kıeli sanalatyn "Svıatoe ozero" aýmaǵynda iri meshittiń salynatyndyǵy jaıly taraǵan habar Reseı turǵyndarynyń "qutyn qashyrǵaly" biraz ýaqyt boldy. El arasyndaǵy mundaı aqparatqa pravaslavıelik «argrad» belsendileri qarsy shyǵyp, tutas qalalyq referendým ótkizýdi usynǵan edi.
Belsendilerdiń "bas kóterýine" qatysty Sheshenstan prezıdenti pikir bildirdi.
- Máskeýdegi jańa meshitterdiń salynýyna qatysty máseleni dıplomatııalyq jolmen sheshý kerek, al "orys jeriniń ıdeıasyn" astana tórinde emes, Donbassta qorǵaý kerek. Eger osy mıtıngke qatysýshylardyń barlyǵy "orys topyraǵyn qorǵaý" ıdeıasyn shyn júrekten qalasa, onda avtomatpen transheıalarǵa barsyn! <...> Myqtysyń ba, qolyńa avtomat al! Seniń ornyńa búgin Donbassta soǵysyp jatqan musylmanǵa demeý bol, olardyń ıyǵyndaǵy avtomatty sen qoldan. Osylaısha óz Otanyńdy qalaı jaqsy kóretinińdi sózben ne arandatýshylyqpen emes, is júzinde kórset! - dedi Sheshen respýblıkasynyń basshysy Ramzan Qadyrov óziniń Telegram-arnasynda.
Sheshenstan basshysy mıtıngshilerdiń áreketin arandatýshylyq dep baǵalady. Olardy mobılızaııalap ne satanısterdiń múddesine jumys istegeni úshin sotqa tartý kerek ekendigin aıtty.
Oqyrman úshin aıshyqtaı keteıik, meshit qurylysyna qarsy mıtıng 2 naýryz kúni Máskeýdiń Kosıno-Ýhtomskıı aýdany, "Svıatoe ozero" mańynda ótti. Narazylyq jaıly "Readovka" arnasy habarlady. Arnanyń aqparyna sensek, júzdegen adam jergilikti shirkeý mańyna qasıetti mekendi qorǵaý jáne meshit qurylysyn júrgizbeý úshin jınalǵan.
Reseı bıligi iri meshit qurylysy týraly habarlamaǵa qatysty áli resmı túsinikteme bergen joq.
"Adyrna" ulttyq portaly
