Şymkentte jetı jyldan berı jasyrynyp kelgen toptyq zorlau aiyby taǧylǧan küdıktı ūstaldy, dep habarlaidy "Adyrna" ūlttyq portaly.
Būǧan deiın polisiia onyŋ 2014 jylǧy nauryzda Şymkenttıŋ İgılık auylynda «Moskvich-412» avtokölıgımen 23 jastaǧy tanysyn zorlaǧan onyŋ üş sybailasyn ūstap, jauapqa tartqan.
"Respublikanyŋ qalalary men oblystarynyŋ polisiia bölımderınıŋ jeke qūramy qylmyskerdı ızdeuge baǧyttaldy. Küdıktınıŋ ornalasqan jerı men ūstaluyn anyqtau üşın körşılerı men tuystary, jaqyn dostary jäne tanystarymen sūhbat jürgızıldı. Ol jasyrynuy mümkın meken-jailar tekserıldı. Tergeuden qaşqandardy memleketaralyq tızımge, sodan keiın halyqaralyq ızdeu jariialady. Paida boluy mümkın elder - Qyrǧyzstan, Özbekstan, Täjıkstan jäne Resei Federasiialaryna baǧyttar jıberıldı", - dep habarlady Qazaqstan Respublikasy Işkı ıster ministrlıgınıŋ baspasöz qyzmetı.Qylmys jasalmas būryn küdıktınıŋ Reseige bırneşe ret barǧany, osyǧan bailanysty qazaqstandyq detektivter körşı elge ıssaparǧa ketkenı anyqtaldy. 7 jyl ızdeuden keiın polisiia «qaşqynnyŋ» jasyrynǧan ornyn tauyp, ony Şymkentte anyqtady. Ūstalǧan adam tüsındırgendei, qaşu kezınde ol tuystarymen jäne dostarymen bailanysty toqtatqan, ärtürlı qalalarda jaldamaly päterlerde tūrǧan jäne päterler men üilerdı jöndeumen ainalysqan.
"Taba almas üşın ol ünemı kapiuşon, qepka, qara közıldırık kiıp jürdı, mūrty men saqalyn ösırdı, adamdar köp jinalatyn jäne qoǧamdyq oryndarǧa barmaǧan", dep habarlady departament.Ūstalǧan adam qamauǧa alynyp, uaqytşa ūstau izoliatoryna qamaldy.
"Adyrna" ūlttyq portaly
Ūqsas jaŋalyqtar
