Almatyda kiberpolisiia qyzmetı arnaiy operasiia jürgızıp, qylmystyq qūral-jabdyqtary bar keŋse tabyldy, - dep habarlaidy "Adyrna" ūlttyq portaly Polisia.kz saityna sılteme jasap.
Nätijesınde 30 jastaǧy Pavlodardan kelgen azamat ūstaldy. Onyŋ jalǧa alǧan keŋsesınde 512 ūialy SIM-box, sondai-aq 1620 sim-karta tabyldy.
«Būl jabdyqty internet-alaiaqtar ärtürlı internet-servisterdı jäne messendjerlerde paidalanu üşın qoldanady, sonymen qatar, ol arqyly alaiaqtar keiınnen basqa elde jürgende qazaqstandyqtarǧa qoŋyrau şalatyn akkaunttardy tırkeidı», - dedı Almaty qalasy Polisiia departamentınıŋ basşysy Maqsat Qanapiaev.
Ūstalǧan azamat osy jabdyqty ornatu jäne qosu jäne mezgıl-mezgıl SIM kartalaryn ūiaşyqtarǧa auystyrudan tūratyn jūmysqa kelıskenın aitty. QR Qylmystyq kodeksınıŋ 213-baby boiynşa (Ūialy bailanystyŋ abonenttik qūrylǧysynyŋ säikestendiru kodyn, abonentti säikestendiru qūrylǧysyn qūqyqqa syiymsyz özgertu, sondai-aq abonenttik qūrylǧynyŋ säikestendiru kodyn özgertuge arnalǧan baǧdarlamalardy jasau, paidalanu, taratu) boiynşa qylmystyq ıs qozǧalǧany aityldy.
Qazaqstan Respublikasy Qylmystyq-prosestık kodeksınıŋ 201-babyna säikes tergeu müddesın közdeitın özge de mälımetter jariialanbaidy.
https://youtu.be/SHk6qvBafq4
Ūqsas jaŋalyqtar
