Shymbulaqta meıramhana órtenip ketti

2288
Adyrna.kz Telegram
Foto: Almaty qalasy TJD
Foto: Almaty qalasy TJD

Búgin tańerteń Almatyda Shymbulaq taý kýrortyndaǵy Oblaka restobar meıramhanasynyń janynda órt boldy. Bul týraly Tótenshe jaǵdaılar departamenti jarııalady, dep habarlaıdy “Adyrna” tilshisi.

Órtti sóndirý úshin qardy sýǵa aınaldyratyn qar generatorlarynyń eki jelisi iske qosylǵan.

TJD-ǵa órt týraly habar tańǵy saǵat 05:30-da túsken.

Saǵat 08.05-te órt oqshaýlandy. Qurbandar men zardap shekkender joq. Órttiń sebebi anyqtalyp jatyr. Jalyndy sóndirýge jeke quramnyń 13 adamy jumyldyryldy, – dedi Almaty qalalyq TJD ókilderi.

Úsh qabatty meıramhanadaǵy órt kólemi – 800 sharshy metr (teńiz deńgeıinen 3200 metr bıiktikte). Arnaıy órt tehnıkasyna arnalǵan kirme joldardyń bolmaýyna baılanysty órtti sóndirý ishki órtke qarsy krandar arqyly júrgizildi.

Sondaı-aq, Kombı-2 aspaly jolynyń jumysy toqtatylyp, órt joıylǵanǵa deıin Talǵar tas joldary da jabyldy.

Pikirler