Kólik mınıstrligi Avıaııa komıteti tóraǵasy Talǵat Lastaev oqý-jattyǵý kezinde Qaraǵandy oblysynda bolǵan ushaq apatyna qatysty túsinikteme berdi, dep habarlaıdy «Adyrna» ulttyq portaly.
Úkimet otyrysynan keıin Talǵat Lastaev jýrnalısterdiń qoıǵan saýaldaryna jaýap berdi. Komıtet tóraǵasy qazirgi ýaqytta tergeý júrip jatqanyn málimdedi.
«Apattan keıin tergeý amaldary birden bastaldy. Oqıǵa ornyna mamandar bardy. Áýedegi ushaq apaty boıynsha negizi úsh nusqa qarastyrylady. Ol adamı faktor, tehnıkanyń isten shyǵýy, jáne syrtqy áserler», - dedi mınıstr.
Sonymen qatar avıaııa komıtetiniń basshysy, nusqaýshynyń tájirıbeli bolǵanyn aıtty. Tergeý qorytyndysy boıynsha nátıjeler qosymsha habarlanatynyn jetkizdi.
«Nusqaýshy ushqysh tájirıbeli, ol áýede 1097 saǵat ushqan. Alǵashqy daıyndyqty Jýkovskıı atyndaǵy áskerı-áýe akademııasynyń áskerı-áýe kúshteriniń joǵary oqý ortalyǵynda ótkizdi. Oǵan kýálik 2019 jyly berildi. Áýe qorǵanysy kúshteri áskerı ınstıtýtynyń kýrsanty, áskerı dárejesi – qatardaǵy jaýynger», - deıdi ol.
Eske salaıyq, 30 qyrkúıek kúni Qaraǵandy oblysynda oqý-jattyǵý ushýy kezinde P2002 tıpti UPLA286 ushaǵy apatqa ushyrap, eki adam qaza tapqany týraly jazǵan edik.
«Adyrna» ulttyq portaly
