Úkimet otyrysynan keıin ótken baspasóz máslıhatynda Ishki ister vıe-mınıstri Marat Qojaev sapasyz joldyń kesirinen apatqa ushyraǵan júrgizýshilerdiń keıbiri memleketten kelgen shyǵyndy óndirip alyp jatqanyn aıtty, dep habarlaıdy «Adyrna» ulttyq portaly.
Jýrnalıstiń «Kólik júrgizýshisi jaman jolda apatqa túsip, máshınesi jaramsyz bolyp qalsa, memleketten sot arqyly aqsha óndire ala ma?», - dep qoıǵan saýalyna vıe-mınıstr onyń múmkin ekenin aıtty.
Marat Qojaevtyń aıtýynsha, ol úshin apattyń naqty jol sapasyzdyǵynan bolǵanyn dáleldeý kerek.
«Árıne, jol-kólik oqıǵasynyń sebebi joldyń jaǵdaıyna qatysty ekeni dáleldense, sonyń kesirinen júrgizýshide apattyń aldyn alýǵa múmkindik bolmasa, sotqa azamattyq negizde shaǵym túsire alady. Ondaı faktiler bolǵan jáne múlkine kelgen zalaldy óndirip alǵandar bar. Qazir olardyń naqty sanyn aıta almaımyn», - dedi vıe-mınıstr.
«Adyrna» ulttyq portaly.
