Osydan 52 jyl būryn teatrdan spektakl körıp şyqqan jas jıgıt troleibusqa mınedı. Troleibusta qazaq teatr önerınıŋ korifeiı Serke Qojamqūlovtyŋ janyna jaiǧasady.
Ūly akter bozbalaǧa qarap: «Mä, sen de men sekıldı akter bol»-dep bas kiımın kigızedı. Ärine, alǧaşqy da, tüsınbegenımen keiın M.Äuezov atyndaǧy qazaq drama teatrynyŋ janyndaǧy ekı jyldyq teatr studiiasyna «Drama teatr jäne kino akterı» mamandyǧyna tapsyruǧa kelgende, sahna maitalmannyŋ aq batasy esıne tüsedı. Sol aq bata alǧan jas jıgıt, bügınde, QR mädeniet qairatkerı, K.Baiseiıtova atyndaǧy Qazaq Ūlttyq Öner Universitetınıŋ dosentı atanǧan Äbdıqadyr Qaşqabaev bolatyn.
Teatr studiiasyna qabyldanǧan saidyŋ tasyndai qyz-jıgıtterdıŋ qatarynda bolǧan Äbdıqadyr, QR halyq artisı, Raiymbek Seiıtmetov, Rauşan Äuezbaeva, Ahmetjan Qadyrov syndy bılıktı pedagogterden tälım alyp, ülken öner jolyna jol basty. Studiiany üzdık tämamdaǧanan keiın, rejissura barometrı, KSRO halyq artisı Äzırbaijan Mädiūly Mämbetovtıŋ taŋdauy tüsıp, M.Äuezov atyndaǧy qazaq ūlttyq drama teatryna «akter» bolyp qabyldanady.
Äuezov teatry Äbdıqadyr Qaşqabaevtyŋ jūldyzyn jaqty. Alǧaşqy rölı Ş.Aitmatovtyŋ «Ana-Jer-ana» trageiiasyndaǧy Jainaq. Jainaq beinesı — soǧys qasıretın, adam taǧdyryndaǧy auyr synaqty körsetetın kürdelı ärı äserlı obrazdardyŋ bırı. Ol şyǧarmadaǧy qarapaiym auyl jastarynyŋ taǧdyryn jinaqtap beineleidı. Jainaqtyŋ bolmysynan adaldyq, meiırım, elge degen süiıspenşılık pen bolaşaqqa degen senım anyq körınedı. Jainaq — jastyq jıgerı mol, ömırge qūştar jan. Ol beibıt künnıŋ qadırın tüsınetın, tuǧan jerın süietın azamat retınde tanylady. Akter Ä.Qaşqabaev-Jainaq beinesın osylai beineleidı. Äbdıqadyr aǧaiymyz tek qana tragediialyq, dramalyq keiıpkerlerımen toqtalǧan joq, sondai-aq, sahnada komediialyq obrazdardy da, jasap körermen yqylasyna bölendı.
Sözımızge, S.Ahmadttyŋ «Kelınder köterılısı» komediiasyndaǧy Toqtasyn dälel bola alady. Äbdıqadyr-Toqtasyn — Formon bibınıŋ kışı ūly, anasynyŋ tärbiesı men otbasydaǧy tärtıpke tolyq baǧynǧan keiıpker. Ol şyǧarmadaǧy iumor men tūrmystyq tartysty tereŋdete tüsetın beinelerdıŋ bırı. Atalmyş qoiylymda KSRO halyq artisı, teatr anasy Sabira Maiqanovadan bastap, nebır teatr tarlandarymen sahnalas boldy. Sahnadaǧy serıktesterı iaǧni, Nigora rölındegı Nūrzada Taşimova jäne Maira Omarovamen sahnalyq tandemderı de, «Kelınder köterılısı» komediiasynyŋ sänın kırgızdı.
Atalǧan spektaklmen 20 jyldai Qazaqstannyŋ tükpır-tükpırın aralady. Äbdıqadyr Qaşqabaevtyŋ J.B.Molerdıŋ «Aqymaq bolǧan basym-ai» komediiasyndaǧy Kolen rölı körermendı külkı arqyly tereŋ oiǧa salatyn keiıpker. Akter oiyny arqyly qoǧamdaǧy satqyn, ekıjüzdı adamdardyŋ beinesın köre alamyz! Äbdıqadyr Qaşqabaev bügınde Eŋselı Elordamyzdaǧy Öner Universitetınde jas akterlerge därıs berıp jür. Äbdıqadyr aǧaiymyzdyŋ qanatynan qomdanǧan tülekterı qazırgı kezde elımızdegı teatrlardyŋ jetekşı akterlerıne ainaldy. Joǧary da, Serke Qojamqūlovtyŋ Äbdıqadyr aǧaiymyzǧa bas kiımıŋ kigızgenın atap öttık, sol kezdegı jas jıgıttıŋ janaryndaǧy otty baiqai alǧan qazaqtyŋ ūly akterınıŋ danalyǧy ǧoi būl!
Bahtiiar Tūrsyn
Teatrtanuşy
