Prezident Qasym-Jomart Toqaev qaza bolǧandardyŋ otbasynan keşırım sūrap, olarǧa jeke jeŋıldıkter beruge uäde berdı. Būl turaly Aqorda mälımdedı, dep habarlaidy “Adyrna” ūlttyq portaly.
"Men sızderge köŋıl aitu üşın arnaiy keldım. Ekınşıden, jan-jaqty kömek körsetıletının aituǧa keldım. Qarjylai da, basqa da kömek körsetıledı. Balalar balabaqşaǧa, JOO-ǧa ornalastyrylady – bärı oryndalady. Men, ärine, sızdermen bırgemın. Sızder – elımızdıŋ azamatysyzdar",-dedı prezident Toqaev.
"Men sızder üşın jauaptymyn. Men Memleket basşysy retınde bolǧan jaǧdai üşın keşırım sūraimyn. Öte auyr jaǧdai ekenın tüsınemın. Asyrauşylaryŋyzdy, otaǧasyn, eŋ jaqyn tuystaryŋyzdy joǧalttyŋyzdar. Ökınışke qarai, ömırde mūndai qaiǧyly jaittar bolady. Mūny aqtaityn eşqandai sebep joq. Taǧy da aitamyn. Moraldyq jäne materialdyq kömek körsetıledı", - dedı Toqaev.
Sondai-aq, ol qaza bolǧandardyŋ otbasylaryna jeke järdemaqy taǧaiyndalatynyn atap öttı.
"Men sızderge uäde beremın. Prezident janynan arnaiy qor qūrylady. Men zardap şekkenderge jeke kömek körsetemın, - dedı Memleket basşysy.
Būǧan deiın Toqaevtyŋ Abai oblysynda qaza tapqan orman şaruaşylyǧy qyzmetkerlerınıŋ otbasymen kezdeskenı habarlanǧan bolatyn.
