Narhoz universitetınıŋ prezidentı Qanat Qojahmet jelını şulatqan “dıni därıs” üşın keşırım sūrady. Būl turaly Bes.media jazdy, dep habarlaidy “Adyrna” ūlttyq portaly.
Aqparat boiynşa, därıstı käsıpker Aiajan Jaqsybai ötkızgen.
Universitet prezidentınıŋ aituynşa, bastapqyda därıstıŋ taqyryby «Jeke brendtı nölden bastau» dep körsetılgen. Alaida, därıs barysynda taqyryptan auytqyp, spiker universitet saiasatyna qaişy keletın pıkırler aitqan. Būl studentter men qoǧam tarapynan terıs reaksiia tudyrdy.
«Narhoz universitetınde kez kelgen saiasi nemese dıni ügıt-nasihat jürgızuge tyiym salynǧan. Jauapty qyzmetkerlerge tärtıptık şaralar qoldanyldy», – dedı universitet prezidentı.
Qanat Qojahmet bolaşaqta şaqyrylatyn qonaqtardy mūqiiat baqylauǧa uäde berıp, oryn alǧan jaǧdai üşın keşırım sūrady.
«Mūndai oqiǧalar tek bızde ǧana emes, Garvard, Iel jäne Kolumbiia universitetterınde de kezdesedı. Qatelespeitın adam joq. Bız studentterımız üşın köp jūmys atqaryp jatyrmyz jäne kez kelgen mäselelerdı aldaǧy kezdesude aşyq talqylauǧa daiynbyz», – dep atap öttı Qojahmet.
Universitet äkımşılıgı studentter men qoǧamdy jaǧdaidy tüsınıstıkpen qabyldauǧa şaqyrdy.
Eske salsaq, jelıde studentterdıŋ dıni än aityp, därıs ötıp jatqan videosy taraǧan bolatyn. Studentter būndai därıs formatyn ūnatpai, universitet basşylyǧyna şaǧymdanǧan edı.
Ūqsas jaŋalyqtar
