Qazaqstan bıligi Qyrǵyzstannan Reseıge zańsyz jetkizilmek bolǵan drondar partııasyn tárkiledi. Bul jóninde qazaqstandyq Orda.kz saıty habarlady, dep jazady "Adyrna" ulttyq portaly.
Basylymnyń jazýynsha, jalpy quny 16 mln rýbl (193 440 dollar) bolatyn DJI AgrasT30 markaly 14 dron shekara arqyly Qazaqstannyń Jambyl oblysyna tasymaldanaıyn dep jatqan kezde ustalǵan. Drondardy qyrǵyzstandyq "Impýls-Invest" fırmasy Qazaqstan aýmaǵy arqyly alyp ótpek bolǵan, alaıda kompanııanyń mundaı taýar túrlerin tasymaldaýǵa lıenzııasy bolmaǵan.
Resmı túrde drondar reseılik "Nova" qurylys kompanııasyna jetkizilýi tıis bolǵan.
"Impýls-Invest" kompanııasyna 76 myń teńge (shamamen 14 myń rýbl) kóleminde aıyppul salynǵan. Jambyl memlekettik múlik jáne jekeshelendirý departamenti tárkilengen drondardy saýdaǵa shyǵarǵan.
Eske sala keteıik, AQSh memlekettik departameniniń sankııany úılestirý basqarmasynyń dırektory Djım O'Braıen Qazaqstanǵa qyryn qaraǵan edi. Ol Qazaqstandy Reseıge tyıym salynǵan taýarlardy jetkizip otyrǵan elderdiń biri dep ataǵan bolatyn. Halyqaralyq qatynas jónindegi Eýropa keńesi mundaı qadamdarjy, Reseıge reeksporty "iri másele" dep ataǵan-tuǵyn.
"Azattyq" radıosy bul jaıly bylaı jazady:
"Sol sebepti Qazaqstan, Grýzııa, Armenııaǵa baramyz. Kelissóz toptary da Túrkııa men BAÁ-ge ketti. Reseı jyl basynda birqatar negizgi elektrondy jabdyqtar ımportyn soǵysqa deıingi deńgeıge jetkize alǵanyn anyqtadyq. Munyń jalǵasqanyn qalamaımyz. Degenmen Reseıge qazir osyndaı jabdyqtar jetpeı otyr. Sebebi ónimderdiń basym bóligi 2022 jyly kelmegen. Buǵan qosa, Reseı ekonomıkasy qazir áskerı qajettilikterdi de ótep jatyr jáne ol osyndaı elektrondy jabdyqtardyń kóp partııasyna zárý. Sebebi Reseı jaǵy ımporttaǵanyn bir mezette jaǵyp jatyr" dedi O'Braıen. Onyń sózinen úzindini Azattyqtyń Armıan qyzmeti keltiredi.
Qazaqstan ulttyq statıstıka bıýrosynyń málimetinshe, 2022 jyly elge quny 5 mln dollar bolatyn dron ımporttalǵan. 1,23 mln dollar bolatyn taýar Reseıge jetkizilgen.
Qazaqstan Reseıge drondar men chıpter alýǵa kómektesip jatqanyn mamyrdyń sońynda "Vajnye ıstorıı" basylymy jazǵan. Basylym Qazaqstandy soǵys kezinde "deldaldyq" jasady dep kórsetken edi.
"Adyrna" ulttyq portaly
