Bırıkken Arab Ämırlıkterınıŋ syrtqy ıster ministrlıgı Fransiiada qamauǧa alynǧan el azamatyna barlyq qajettı konsuldyq qyzmetter körsetudı sūrady, dep habarlaidy “Adyrna” ūlttyq portaly.
BAÄ-nıŋ syrtqy ıster ministrlıgınıŋ resmi saitynda jariialanǧan derek boiynşa el bilıgı Durovqa qatysty ıstı baqylauǧa alǧan.
«Ämırlıkter Le Burje äuejaiynda fransuz bilıgı ūstaǧan Telegram äleumettık jelısınıŋ negızın qalauşy Ämırlık azamaty Pavel Durovtyŋ ısın mūqiiat qadaǧalap otyr. Sondai-aq Fransiia ükımetıne ony barlyq qajettı konsuldyq qyzmettermen şūǧyl türde qamtamasyz etu turaly talap qoiyldy», – dep mälımdegen eldıŋ syrtqy ıster ministrlıgı.
BAÄ öz azamattaryna qatysty ıstıŋ barlyq aspektılerıne qamqorlyq jasau, qorǧau jäne baqylauy Ämırlık üşın basymdyq bolyp qala beretının de atap öttı.
Aita keteiık, Fransiia soty Pavel Durovqa 12 türlı aiyp taqqan bolatyn.
Ūqsas jaŋalyqtar
