Sybaılas jemqorlyqqa qarsy qyzmet Májilistiń burynǵy depýtaty Nurjan Áltaevtyń ustalǵanyn rastady, - dep habarlaıdy "Adyrna".
"Biz onyń asa iri kólemde para aldy degen kúdikpen ustalǵanyn rastaımyz. Tergeý múddesine jáne Qylmystyq-proessýaldyq kodekstiń 201-babyna qatysty ózge de málimetter jarııa etilmeıdi", - dedi Antıkor.
Eske salaıyq, «Muqalmas» respýblıkalyq qoǵamdyq birlestigi Áltaevty kandıdat retinde usynǵan bolatyn. Alaıda birlestiktiń birneshe múshesi jınalys hattamasyn jaramsyz dep taný týraly ótinishpen sotqa júgingen.
Sot jalpy jınalysta oblystyq qoǵamdyq uıym músheleriniń basym bóligi Nurjan Áltaevty kezekten tys prezıdenttik saılaýǵa kandıdat retinde usynýǵa qarsy daýys bergenin anyqtady.
2022 jylǵy 12 qazanda Ortalyq saılaý komıssııasy prezıdenttikke kandıdat Nurjan Áltaevtyń saılaý quqyǵyn anyqtaý rásimin toqtatty.
Nurjan Áltaev Aýyl sharýashylyǵy vıe-mınıstri, Eńbek jáne halyqty áleýmettik qorǵaý vıe-mınıstri qyzmetterin atqarǵan, sondaı-aq Májilistiń VI shaqyrylymynyń depýtaty bolǵan.
2020 jyly Áltaev «Amanat» (burynǵy «Nur Otan») partııasynyń músheliginen aıyryldy, al OSK «partııanyń bedelin túsiretin jáne onyń múddelerine nuqsan keltiretin áreketterdi jasaǵany úshin, onyń ishinde jańa saıası partııa qurý nıeti bar ekendigi týraly birqatar jarııa málimdemelerde aıtylǵany úshin» depýtattyq ókilettiginen aıyryldy.
Keıin «El tiregi» kásipodaǵyna kirdi.
"Adyrna" ulttyq portaly
