"Dıkıı Arman" laqap atymen tanylǵan Arman Jumageldıev kúsh qurylymdarynyń azaptaý faktisi boıynsha ótken sotta jeńip shyqty. Mundaı aqparatty advokat Oleg Chernov habarlady. Degenmen "Dıkıı Armannyń" jeńisin joqqa shyǵarǵandar da tabyldy. Belgili jýrnalıst jáne qoǵam qaıratkeri Áset Mataev mundaı aqparatqa qarsy ýáj aıtty, dep habarlaıdy "Adyrna" ulttyq portaly.
Belgili jýrnalıst jáne qoǵam qaıratkeri Áset Mataev Arman Jumaǵeldıev "jabaıy Arman" degen laqap atpen azaptaý boıynsha eshqandaı qylmystyq isterde jeńiske jetken joq, dep habarlady.
Qolda bar málimetterge súıensek, Arman Jumaǵeldıev azaptaý boıynsha eshqandaı qylmystyq isterge qatysty ótken sotta jeńiske jetken joq... Jumageldıevtiń ótinishi boıynsha qylmystyq is qozǵaldy, biraq sot sheshimi joq", - dedi Mataev óziniń Telegram-arnasynda.
Eske sala otyraıyq, azaptaý jáne quqyq qorǵaý organdarynyń ózge zańsyz áreketterine qatysty ótken sotta Arman Jumageldıev jeńiske jetkeni habarlanǵan bolatyn.
"Ol (Dıkıı Arman) azaptaý jáne quqyq qorǵaý organdarynyń ózge zańsyz áreketterine qatysty sotta jeńdi. Búgin bul týraly bilip, qatty qýandy. Zań ol úshin jumys istemeıtinin, biraq búgin tańǵajaıyp oqıǵanyń bolǵanyn aıtty", – dep jazdy Oleg Chernov.
Atalǵan iske qatysty sot jabyq túrde ótkendikten, qalalyq sot ókilderi naqty aqparattyń taratylmaıtynyn jetkizdi.
Buǵan deıin sot Arman Jumageldıevti qamaýda ustaý merzimin 7 tamyzǵa deıin sozǵan edi.
"Adyrna" ulttyq portaly
