"ديكي ارمان" لاقاپ اتىمەن تانىلعان ارمان جۇماگەلديەۆ كۇش قۇرىلىمدارىنىڭ ازاپتاۋ فاكتىسى بويىنشا وتكەن سوتتا جەڭىپ شىقتى. مۇنداي اقپاراتتى ادۆوكات ولەگ چەرنوۆ حابارلادى. دەگەنمەن "ديكي ارماننىڭ" جەڭىسىن جوققا شىعارعاندار دا تابىلدى. بەلگىلى جۋرناليست جانە قوعام قايراتكەرى اسەت ماتاەۆ مۇنداي اقپاراتقا قارسى ءۋاج ايتتى، دەپ حابارلايدى "ادىرنا" ۇلتتىق پورتالى.
بەلگىلى جۋرناليست جانە قوعام قايراتكەرى اسەت ماتاەۆ ارمان جۇماعەلديەۆ "جابايى ارمان" دەگەن لاقاپ اتپەن ازاپتاۋ بويىنشا ەشقانداي قىلمىستىق ىستەردە جەڭىسكە جەتكەن جوق، دەپ حابارلادى.
قولدا بار مالىمەتتەرگە سۇيەنسەك، ارمان جۇماعەلديەۆ ازاپتاۋ بويىنشا ەشقانداي قىلمىستىق ىستەرگە قاتىستى وتكەن سوتتا جەڭىسكە جەتكەن جوق... جۇماگەلديەۆتىڭ ءوتىنىشى بويىنشا قىلمىستىق ءىس قوزعالدى، بىراق سوت شەشىمى جوق", - دەدى ماتاەۆ ءوزىنىڭ Telegram-ارناسىندا.
ەسكە سالا وتىرايىق، ازاپتاۋ جانە قۇقىق قورعاۋ ورگاندارىنىڭ وزگە زاڭسىز ارەكەتتەرىنە قاتىستى وتكەن سوتتا ارمان جۇماگەلديەۆ جەڭىسكە جەتكەنى حابارلانعان بولاتىن.
"ول (ديكي ارمان) ازاپتاۋ جانە قۇقىق قورعاۋ ورگاندارىنىڭ وزگە زاڭسىز ارەكەتتەرىنە قاتىستى سوتتا جەڭدى. بۇگىن بۇل تۋرالى ءبىلىپ، قاتتى قۋاندى. زاڭ ول ءۇشىن جۇمىس ىستەمەيتىنىن، بىراق بۇگىن تاڭعاجايىپ وقيعانىڭ بولعانىن ايتتى", – دەپ جازدى ولەگ چەرنوۆ.
اتالعان ىسكە قاتىستى سوت جابىق تۇردە وتكەندىكتەن، قالالىق سوت وكىلدەرى ناقتى اقپاراتتىڭ تاراتىلمايتىنىن جەتكىزدى.
بۇعان دەيىن سوت ارمان جۇماگەلديەۆتى قاماۋدا ۇستاۋ مەرزىمىن 7 تامىزعا دەيىن سوزعان ەدى.
"ادىرنا" ۇلتتىق پورتالى
