Burynǵy mádenıet jáne sport mınıstri Arystanbek Muhamedıulynyń advokaty qamalǵany jáne jubaıynyń kúdikke ilingeni resmı túrde jarııalandy. Bul týraly Sybaılas jemqorlyqqa qarsy is-qımyl agenttigi málim etti, dep habarlaıdy "Adyrna" ulttyq portaly.
«Jasyryn is-sharalar kesheniniń nátıjeleri boıynsha para berýge oqtalǵan Mádenıet jáne sport eks-mınıstri A.Muhamedıulynyń jubaıy áshkerelendi. Condaı-aq, atalǵandardyń múddelerin qorǵaýdy júzege asyrǵan advokat alaıaqtyq pen para berýge ıtermeleý kúdigimen ustaldy. A.Muhamedıulynyń qylmystyq jazasyn jeńildetý jáne qamaýdan bosatý jeleýimen qorǵalýshynyń jubaıynan sot organdarynyń laýazymdy adamdaryna berý úshin para retinde 460 000 AQSh dollary somasynda aqshalaı qarajat alǵan. Tergeý amaldary barysynda 255 000 AQSh dollary kólemindegi qarajat anyqtalyp, tárkilendi. Qalǵan somany ol óz qalaýy boıynsha jumsaǵany anyqtaldy», – delingen baspasóz habarlamasynda.
Málim etilgendeı, A.Muhamedıulynyń advokaty qamaýǵa alynsa, áıeli para berýde kúdikti retinde tanylyp otyr.
«Eks-mınıstrdiń ókili ustalyp, ýaqytsha ustaý ızolıatoryna qamaldy. Muhamedıulynyń jubaıy asa iri kólemde para berýge oqtalýy boıynsha kúdikti bolyp tanyldy. QR QPK 201-babyna sáıkes, tergeý múddesine oraı ózge aqparat jarııalaýǵa jatpaıdy. Konstıtýııanyń 77-baby 3-tarmaǵynyń 1-tarmaqshasyna jáne Qylmystyq-proestik Kodeksiniń 19-baby 1-bóligine sáıkes, qylmystyq quqyqbuzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi. Sybaılas jemqorlyqqa qarsy qyzmet memlekettik organdardyń qyzmetine baılanysty qandaı da bir máseleni sheshý syltaýymen alaıaqtyqtyń, onyń ishinde para berýge ıtermeleýge alyp keletin alaıaqtyqtyń jalǵasyp jatqan jaǵdaılaryna basa nazar aýdarady. Osyndaı jaǵdaılarda Sybaılas jemqorlyqqa qarsy qyzmetke habarlasýdy nemese osyndaı faktiler týraly 1424 nómiri boıynsha Call-ortalyqqa habarlaýdy suraımyz», – delingen agenttik dereginde.
Eske sala keteıik, Ulttyq mýzeıdiń burynǵy dırektory, burynǵy Mádenıet jáne sport mınıstri Arystanbek Muhamedıulynyń ústinen qozǵalǵan qylmystyq is boıynsha sot úkimi shyqty. Burynǵy mınıstr segiz jylǵa sottalǵan edi.
"Adyrna" ulttyq portaly
