Bas prokuratura "Tasmaǧambetovke qatysty tergeu jūmystary turaly" aqparatqa tüsınıkteme berdı, - dep habarlaidy "Adyrna" tılşısı Bas prokuraturanyŋ baspasöz qyzmetıne sılteme jasap.
«Äleumettık jelılerde Bas prokuraturanyŋ vedomstvoaralyq tergeu toby İ.N.Tasmaǧambetovke qatysty onyŋ «Astana LRT» JŞS-da qarjy jymqyruǧa qatysy bar faktısı boiynşa tekseru jürgızgenı turaly habarlama taraluda.
Bas prokuratura būl aqparat şyndyqqa janaspaidy dep habarlaidy.
Bız azamattardy tek resmi aqparat közderıne senuge şaqyramyz.
İmanǧali Tasmaǧambetov direktorlar keŋesınıŋ müşesı, 2021 jyldyŋ mausymynda KAMAZ täuelsız direktory bolyp sailandy.
Tasmaǧambetov 1993 jyldan 1995 jylǧa deiın Qazaqstan Prezidentınıŋ kömekşısı, 1995 jyldan 1997 jylǧa deiın Premer-Ministrdıŋ orynbasary qyzmetın atqardy. Sondai-aq ärtürlı uaqytta Prezident Äkımşılıgı Basşysynyŋ orynbasary jäne Prezidenttıŋ Bırınşı kömekşısı qyzmetterın atqardy. 2002 jyly premer-ministr, 2003 jyly memlekettık hatşy bolyp taǧaiyndaldy. Keiın Almaty qalasynyŋ äkımı (2004-2008), elorda äkımı (2008-2014) boldy.
2014 jyldyŋ 22 qazanynda Tasmaǧambetov Qazaqstannyŋ Qorǧanys ministrı bolyp taǧaiyndaldy. 2016 jyldyŋ 13 qyrküiegınde Premer-Ministrdıŋ orynbasary boldy. 2017 jyldyŋ 3 aqpanynan bastap Reseidegı Tötenşe jäne Ökılettı Elşı qyzmetın atqardy. 2019 jyly jeltoqsanda İmanǧali Tasmaǧambetov zeinetkerlık jasqa toluyna bailanysty Qazaqstannyŋ Reseidegı elşısı qyzmetınen bosatyldy.
"Adyrna" ūlttyq portaly
Ūqsas jaŋalyqtar
