Byltyr ǧana 10 jylǧa sottalǧan Kentau qalasynyŋ būrynǧy äkımı Däuren Mahajanov biyl türmeden bosatyldy, dep habarlaidy "Adyrna" tılşısı Otyrar.kz-ke sılteme jasap.
Almaty qalasy, Almaty oblysy jäne Jetısu oblysy boiynşa Qylmystyq atqaru jüiesı departamentınıŋ mälımetınşe, "para aldy" degen küdıkke ılıngen Kentaulyq äkımnıŋ bas bostandyǧynan aiyru jazasy aiyppūl töleuge auystyrylǧan.
2022 jyldyŋ şıldesınde sot Mahajanovty 50 million teŋge para alǧany üşın 10 jylǧa bas bostandyǧynan aiyrǧan bolatyn. Degenmen bır jyldan keiın Joǧarǧy sotta bas prokuraturanyŋ narazylyǧymen būrynǧy şeneunıktıŋ jazasy alaiaqtyq retınde qaita qaralǧan.
Derekterge süiensek, būrynǧy äkım jäbırlenuşıden aqşany para retınde almaǧan, jäbırlenuşını aldap soqqan.
10 jylǧa ükım şyqqan Däuren Mahajanovtyŋ "para aluǧa oqtalu" baby "alaiaqtyqqa oqtalu" bolyp qaita qaralyp, äkımnıŋ merzımı bes jylǧa deiın qysqartylǧan.
Al qyrküiekte Mahajanov koloniiadan bosatylǧany aityldy. Eks-şeneunık 1 million 988 myŋ teŋge aiyppūl tölep, bostandyqqa şyqqan.
"2023 jyldyŋ 8 qyrküiegınde Qapşaǧai qalalyq sotynyŋ bas bostandyǧynan aiyru jazasyn aiyppūlmen auystyru turaly qaulysy negızınde sottaluşy D.Mahajanov Zarechnyi kentındegı №57 mekemeden şyǧaryldy", – dep habarlady Almaty oblysy boiynşa qylmystyq-atqaru jüiesı ökılderı.
Ūqsas jaŋalyqtar
