Reseidıŋ syrtqy ıster ministrı Sergei Lavrov Qazaqstan Prezidentı Qasym-Jomart Toqaevtyŋ memleketterdıŋ aumaqtyq tūtastyǧyna qūqyǧy turaly sözderımen kelıspeitının mälımdedı. Būl turaly ol «Kommersant» gazetıne bergen sūhbatynda aitty, dep habarlaidy “Adyrna” ūlttyq portaly.
Talqylau Qazaqstan basşysynyŋ «eger ūlttardyŋ özın-özı bileu qūqyǧy ideiasyn basşylyqqa alatyn bolsaq, älemde köptegen öŋırlık qaqtyǧystar bastalady» degen mälımdemesıne qatysty boldy. Lavrovtyŋ aituynşa, Toqaev tek memleketterdıŋ aumaqtyq tūtastyq qūqyǧyn eskeredı.
«Qazaqstan prezidentı Qasym-Jomart Toqaevtyŋ sol sözın esımde saqtap qaldym. Men onymen kelıspeimın. Bız keiın qazaqstandyq dostarymyzǧa öz ūstanymymyzdy tüsındırdık. Ol üşın tek aumaqtyq tūtastyq qūqyǧy bar siiaqty. Men oǧan Qazaqstan BŪŪ müşesı bolǧandyqtan, BŪŪ Jarǧysyn tolyq kölemde qūrmetteuı tiıs ekenın aittym», — dedı Resei SIM basşysy.
Ol BŪŪ Jarǧysynda halyqtardyŋ özın-özı anyqtau qūqyǧy da körsetılgenın atap öttı.
«Aumaqtyq tūtastyq qūqyǧy, ükımetı sol aumaqta tūratyn barlyq halyqty ökıldık etetın elderge ǧana qatysty qoldanylady», — dedı Lavrov.
