Keshe tennısshi Elena Rybakına Roland Garros týrnırin jalǵastyra almady. Osyǵan baılansty ol baspasóz máslıhatyn ótkizip, jankúıerlerge mán-jaıdy aıtyp berdi, dep habarlaıdy “Adyrna” ulttyq portaly.
Sportshynyń aıtýynsha, densaýlyǵy nasharlaǵan kórinedi.
Keshe keshke basym aýyryp, jaǵdaıym nasharlady, temperatýram kóterildi. Tańerten jaqsy bolamyn ba dep edim, biraq qazir de álsizdik bar, temperatýram basylmaı tur, – dedi ol.
Tennısshi basy aýyryp, dene qyzýy kóterilip turǵan soń, kortqa shyǵa almaıtynyn aıtty.
Jattyqtyrýshylarmen aqyldastym. Olar kortqa shyqpaı-aq qoı, tipti shyqpashy dep aıtty. Sony oılap, jarysty aıaqtaý kerek degene sheshimge keldim, – dedi Rybakına.
Eske salaıyq, Elena Rybakına «Rolan Garros» týrnıriniń úshinshi aınalymynda álemniń 38-raketkasy, horvatııalyq Petra Martıch nemese dúnıejúzilik reıtıngte 132-orynda turǵan ıspanııalyq Sara Sorrıbes-Tormomen oınaý kerek edi.
