Foto: QTF baspasöz qyzmetı
Qazaqstandyq tennisşı Ansar Nietqaliev Qytaidyŋ Uhan qalasynda ötken J100 turnirınde üzdık nätije körsettı, dep habarlaidy "Adyrna".
Ansar nebärı 15 jasta bolsa da, 18 jasqa deiıngıler sanatynda öner körsetıp, joǧary jas tobyndaǧy täjıribelı qarsylastarymen teŋ därejede oiyn körsettı.
Finaldyq bäsekede otandasymyz jarystyŋ bırınşı raketkasy, qytailyq Sziahu Humen (Jiahu Hu) kezdestı. Özınen jasy ülken qarsylasyna qarsy ötken matchta Ansar ekı sette jol berıp, turnirdıŋ kümıs jüldegerı atandy.
Aita keteiık, Nietqalievtıŋ Qytaidaǧy sapary öte sättı ötude. Osydan bır apta būryn ol Guanchjouda ötken ITF World Tennis Tour Juniors (J60) dodasynda jeŋımpaz atanǧan bolatyn. 18 jasqa deiıngıler arasynda körsetken būl nätijesı Ansardyŋ älemdık reitingtegı ornyn aitarlyqtai nyǧaita tüspek.
