Qazaqstandyq käsıpqoi boksşy Jänıbek Älımhanūly orta salmaqtaǧy Düniejüzılık boks ūiymy (WBO) nūsqasy boiynşa älem chempiony ataǧynan bas tartty, dep habarlaidy "Adyrna" ūlttyq portaly.
Būl turaly WBO prezidentı Gustavo Oliveri The Ring basylymyna bergen sūhbatynda aitty. Sportşy ekınşı orta salmaq därejesıne auysatynyn habarlaǧan. Onyŋ mälımetınşe, Älımhanūlynyŋ chempiondyq belbeuı uaqytşa chempion märtebesıne ie bolǧan Ūlybritaniia ökılı Denzel Bentlige berıledı. Al jaqyn uaqytta WBO jaŋa chempionnyŋ mındettı qarsylasyn anyqtaidy. Negızgı ümıtkerlerdıŋ bırı – kubalyq Ionli Ernandes.
Jänıbek Älımhanūly būǧan deiın orta salmaqta IBF jäne WBO tūjyrymdary boiynşa chempiondyq belbeulerdıŋ iegerı bolǧan. Keiın IBF ūiymy dopingke qatysty jaǧdaidan keiın qazaqstandyq boksşyny chempiondyq ataǧynan aiyryp, 2026 jyldyŋ jeltoqsanyna deiın jarystardan şettetken. WBO ūiymy da bır jyldyq diskvalifikasiia taǧaiyndaǧanymen, chempiondyq belbeudı saqtap qalǧan edı. Endı qazaqstandyq bylǧary qolǧap şeberı WBO chempiondyq ataǧynan öz erkımen bas tartyp, jaŋa salmaq därejesınde öner körsetudı josparlap otyr.
Qazaqstannyŋ Käsıpqoi boks federasiiasynyŋ prezidentı Raqymjan Erdenbekovtıŋ pıkırınşe, būl şeşım Jänıbek Älımhanūlynyŋ auqymdy jekpe-jekterge jol aşu nietımen bailanysty boluy mümkın. Onyŋ aituynşa, qazaqstandyq boksşynyŋ basty maqsattarynyŋ bırı – meksikalyq älem chempiony Saul «Kanelo» Alvarespen kezdesu.
