Qazaqstan Prezıdenti Qasym-Jomart Toqaev Reseı Federaııasy energetıka mınıstri Sergeı ıvılevti qabyldady. Bul kezdesý eki el basshylarynyń kelisimi negizinde ótti, dep habarlaıdy "Adyrna" ulttyq portaly Aqorda baspasóz qyzmetine siltep.
Kezdesý barysynda mınıstr ıvılev Reseı prezıdenti Vladımır Pýtınniń Qasym-Jomart Toqaevqa joldaǵan jeke hatyn tabys etti.
Memleket basshysy men mınıstr energetıka salasyndaǵy áriptestiktiń bolashaǵyn talqylady. Bul sala – Qazaqstan men Reseı arasyndaǵy yntymaqtastyqtyń negizgi baǵyttarynyń biri bolyp sanalady.
"Taraptar ekijaqty energetıkalyq jobalardy damytý jáne strategııalyq seriktestikti tereńdetý joldaryn qarastyrdy", – delingen Aqorda taratqan aqparatta.
Eske sala keteıik, buǵan deıin, 17 sáýirde, Qasym-Jomart Toqaev pen Vladımır Pýtınniń telefon arqyly sóıleskeni habarlanǵan edi. Áńgime barysynda memleket basshylary qazaq-reseı qarym-qatynasynyń qarqyndy damýyn atap ótip, buǵan deıingi joǵary deńgeıde jasalǵan kelisimderdiń júzege asyrylý barysyn talqylaǵan bolatyn.
