Qazaqstan Prezidentı Qasym-Jomart Toqaev Resei Federasiiasy energetika ministrı Sergei Sivilevtı qabyldady. Būl kezdesu ekı el basşylarynyŋ kelısımı negızınde öttı, dep habarlaidy "Adyrna" ūlttyq portaly Aqorda baspasöz qyzmetıne sıltep.
Kezdesu barysynda ministr Sivilev Resei prezidentı Vladimir Putinnıŋ Qasym-Jomart Toqaevqa joldaǧan jeke hatyn tabys ettı.
Memleket basşysy men ministr energetika salasyndaǧy ärıptestıktıŋ bolaşaǧyn talqylady. Būl sala – Qazaqstan men Resei arasyndaǧy yntymaqtastyqtyŋ negızgı baǧyttarynyŋ bırı bolyp sanalady.
"Taraptar ekıjaqty energetikalyq jobalardy damytu jäne strategiialyq serıktestıktı tereŋdetu joldaryn qarastyrdy", – delıngen Aqorda taratqan aqparatta.
Eske sala keteiık, būǧan deiın, 17 säuırde, Qasym-Jomart Toqaev pen Vladimir Putinnıŋ telefon arqyly söileskenı habarlanǧan edı. Äŋgıme barysynda memleket basşylary qazaq-resei qarym-qatynasynyŋ qarqyndy damuyn atap ötıp, būǧan deiıngı joǧary deŋgeide jasalǧan kelısımderdıŋ jüzege asyrylu barysyn talqylaǧan bolatyn.
