Reseı prezıdenti Vladımır Pýtın Soltústik Koreıa memleketiniń basshysy Kım Chen Ynǵa reseılik kólik syılady, dep habarlaıdy "Adyrna" ulttyq portaly Koreıanyń ortalyq aqparat agenttigine (KCNA) siltep.
Syılanǵan kóliktiń markasy men úlgisi atalmady.
KCNA habarlaǵandaı, Kım Chen Ynnyń syılyǵyn 18 aqpan kúni Koreıanyń jumysshylar partııasy (KJP) Ortalyq komıteti bólim meńgerýshisiniń orynbasary, ápkesi Kım Io Chjon men uıymnyń hatshysy Pak Chon Chhon qabyldap alǵan. Kım Io Chjon "bul syılyq eki eldiń kóshbasshylary arasynda qalyptasqan erekshe dostyq qarym-qatynastyń aıqyn dáleli» jáne «eń jaqsy syılyq» ekenin atap ótti. Ol Pýtınge alǵysyn bildirdi.
Reseı basshysy 2023 jyly qyrkúıekte Kım Chen Ynǵa «Shyǵys» ǵarysh aılaǵyna kelgen kezde Aurus kóligin kórsetti. Pýtın kezdesý ornyna dál osy kólikpen keldi. Kım Chen Yn artqy jolaýshy oryndyǵyna otyryp kólikti aldymen syrtynan, sosyn ishinen jiti tekserdi. Bul rette Pýtın áriptesine kóliktiń sıpattamalary týraly aıtyp berdi.
Kım Chen Yn "Maıbah" lımýzınin jıi paıdalanady.
