“Nomad Run” ultramarafonşylary 8000 şaqyrymdy baǧyndyryp, Qazaqstannyŋ barlyq qala, eldı mekenderımen jügırıp öttı. 5 marafonşy azamattyŋ "sportttyq seiıl-ceruenı" Aqtau qalasynda tüiındeldı, dep habarlaidy "Adyrna" ūlttyq portaly.
Aqtaulyqtar “Nomad Run” atty marafonşylar köşın saltanatty türde kütıp aldy. Jügıru arqyly 8000 km-dı baǧyndyryp, Qazaqstannyŋ barlyq qala, eldı mekenın aralaǧan 5 marafonşy er-azamat Aqtau qalasynda taban tıregen. Özderınıŋ aituynşa, mūndai qadamnyŋ basty maqsaty - keleşek ūrpaqqa ülgı bolu, denı sau ūrpaq tärbieleu. Azamattardy kütıp aluǧa qalalyq jäne oblystyq äkımdık ökılderı, BAQ jäne qala tūrǧyndary tūrǧyndar qatysty.
“Men eŋ aldymen sızderge alǧys bıldırgım keledı. Mūndai nätije körsetu kez-kelgennıŋ qolynan kelmeitını anyq, būl - ülken jauapkerşılıktıŋ, batyldyqtyŋ, şydamdylyqtyŋ körınısı. Eldı, jerdı aralap, öskeleŋ ūrpaqtyŋ boiyndaǧy patriottyq sezımdı oiatu, Qazaqstannyŋ körkem jerlerın nasihattau, ışkı turizmdı damytuǧa üles qosu maqsattaryn sportpen şeber üilestıru arqyly köpke ülgı bolyp kelesızder. Densaulyqtaryŋyz myqty bolsyn”, - dedı Aqtau qalasy äkımınıŋ orynbasary Nūrtas Sali.
Marafondy 5 adam jügırgen, onyŋ ışınde eŋ ülkenı - 55 jastaǧy Mendıbai Älımgazinov. Onyŋ aituynşa, keŋ-baitaq Qazaqstandy şarlap, būl belestı baǧyndyru oŋai bolǧan joq.
“Basty maqsat - jastardy salauatty ömır saltyn ūstanuǧa şaqyru. Marafondy bastaǧandaǧy ūstanymymyz - sözben emes, äreketımız arqyly ülgı bolu edı. Qonaqjailyqtaryŋyzǧa rahmet”, - dedı ol.
Astanadan jaiau jügıru arqyly Aqtauǧa jetken 5 marafonşy alǧys hatpen marapattaldy.
Marafonşylar saltanatty şarada söz alyp, būl jetıstıgın Aqtau qalasynyŋ 60 jyldyǧyna arnaǧanyn jetkızdı.
Oraiy kelgende aita keteiık, ultramarafonşylar Qazaqstannyŋ Ginnester rekordy kıtabyna enedı.
"Adyrna" ūlttyq portaly
Ūqsas jaŋalyqtar
