Äleumettık jelıde Aqtaudaǧy mektepterdıŋ bırınde 7-synyp oquşylary ömırge qauıptı "oiynǧa" qatysqany turaly video qyzu talqylanyp jatyr, dep habarlaidy “Adyrna” ūlttyq portaly.
Kadrlardan oquşy qyzdyŋ aldymen jäbırlenuşını şapalaqpen ūrǧanyn köruge bolady. Sosyn ony tūnşyqtyryp, keudesın basqan. Artynşa qyz esın joǧaltyp, edenge qūlaǧan.
Mälımetterge sensek, oqiǧa 8 säuırde №33 mektepte bolǧan. Zardap şeguşı jetınşı synyp oquşysy. Oquşylar turaly aqparat kämeletke tolmaǧandar ısı jönındegı inspektorǧa berılıptı.
Maŋǧystau oblystyq bılım basqarmasy qyzdar "İttıŋ läzzaty" dep atalatyn qauıptı oiyn oinaǧanyn aitty. Būl – miǧa ottegınıŋ jetuın ädeiı şekteu arqyly eiforiialyq küige enuge tyrysatyn öte qauıptı äreket eken. Mūndai "oiyndar" miǧa zaqym keltırıp, ölımge äkeluı mümkın.
"Qazırdıŋ özınde mektep psihologtarynyŋ qatysuymen oquşylar men olardyŋ ata-analarymen tüsındıru jūmystary bastaldy. Būl ıs Aqtau qalalyq kämeletke tolmaǧandar ısı jönındegı komissiiada qaralady. Sonymen qatar mektep direktory tärtıptık jauapqa tartyldy", – delıngen bılım basqarmasynyŋ habarlamasynda.
Mamandar men jergılıktı bilık ata-analar men mūǧalımderdı balalarmen aşyq söilesıp, mūndai qauıptı äreketterdıŋ saldary turaly tüsındıruge şaqyrady.
