Qaraǵandy oblysynda táýligine shamamen 17 myń tonna kómir shyǵarylady, 8,5 myń tonna bolat balqytylady. Al kásipkerler kún saıyn óz eńbekterimen oblys ekonomıkasyna 7 mlrd teńge salady. Bul kórsetkishter týraly Ortalyq kommýnıkaııalar qyzmetiniń alańynda ótken brıfıngte óńir basshysy Ermaǵanbet Bólekpaev aıtyp berdi.
– Ótken táýlikte "ArselorMıttal Temirtaý" shahtalarynda 17 myń tonna kómir óndirildi, metkombınatta 8,5 myńnan astam bolat, 7 myń tonna jalpaq prokat balqytyldy. Iri jáne orta ónerkásip kásiporyndary 9 mlrd teńgege ónim shyǵardy. Qaraǵandynyń kóterme jáne logıstıkalyq ortalyqtarynan túrli baǵyttar boıynsha 80-nen astam temir jol quramdary men avtomashınalar jóneltildi, – dedi Ermaǵanbet Bólekpaev. – Bul nátıjeler bizdiń oblysymyz elimizdiń mańyzdy ındýstrııalyq, kásipkerlik jáne logıstıkalyq ortalyǵy bolyp tabylatynyn kórsetedi.
Óńir basshysynyń málimetinshe, jyl basynan beri Qaraǵandy oblysynda 1,1 trln teńgege ónim óndirilgen. Ósim farmaevtıka, mashına jasaý, jeńil ónerkásip, qaǵaz jáne qaǵaz ónimderin, tamaq ónimderin óndirý sııaqty salalarda baıqalady.
