Qaraǧandy oblysynda «Zaŋ jäne tärtıp» ideologemasy aiasynda tūrǧyndardyŋ qūqyqtyq sauattylyǧyn arttyruǧa baǧyttalǧan «Qūqyqtyq tärtıp älıppesı» aksiiasy jüielı türde jalǧasuda.
Is-şara barysynda mäslihat deputattary, qoǧamdyq belsendıler, jastar köşbasşylary, būqaralyq aqparat qūraldarynyŋ ökılderı men blogerler oblystyq deŋgeidegı basqarmalardyŋ qyzmetımen ışkı formatta tanysty. Atalǧan kezdesu oblystyq prokuratura janyndaǧy jobalyq ofis jürgızıp otyrǧan keşendı jūmystyŋ bır bölıgı bolyp tabylady. Būl alaŋda kün saiyn halyqqa arnalǧan aqparattyq ıs-şaralar, därıster men profilaktikalyq kezdesuler ötkızıledı.
– Bügın bız «Qūqyqtyq tärtıp älıppesı» aksiiasyn oblys äkımdıgınıŋ alaŋynda jalǧastyryp otyrmyz. Būl bastama «Zaŋ jäne tärtıp» tūjyrymdamasynyŋ negızgı maqsattaryn jüzege asyruǧa baǧyttalǧan. Atap aitqanda, zaŋ üstemdıgın nyǧaitu, memlekettık organdar qyzmetınıŋ aşyqtyǧyn qamtamasyz etu jäne azamattardyŋ bilıkke degen senımın arttyru, – dedı Qaraǧandy oblysy prokurorynyŋ orynbasary Edıl Jūbanov.
Qatysuşylarǧa qūttyqtau söz söilegen oblys äkımınıŋ orynbasary Älıbek Äldenei aksiianyŋ qoǧam arasynda keŋ qoldau tauyp kele jatqanyn atap öttı.
– Äleumettık jelılerde jariialanǧan materialdarda qūqyq qorǧau organdarynyŋ azamattardyŋ qūqyqtary men zaŋdy müddelerın qorǧaudaǧy naqty jūmysy körınıs tauyp, būl öz kezegınde halyqtyŋ memlekettık organdarǧa degen senımınıŋ artuyna yqpal ettı, – dedı ol.
Aksiia aiasynda keluşıler üşın alty basqarmanyŋ esıgı aşyldy. Atap aitqanda, qūrylys jäne säulet, käsıpkerlık jäne önerkäsıp,
tūrǧyn üi-kommunaldyq şaruaşylyq jäne energetika, auyl şaruaşylyǧy, jūmyspen qamtudy üilestıru jäne äleumettık baǧdarlamalar, sondai-aq densaulyq saqtau basqarmalary.
Şyǧu formatyndaǧy ıs-şaralar barysynda memlekettık organdardyŋ halyqpen özara ıs-qimyly naqty körsetıldı. Qatysuşylar qalalyq Mansap ortalyǧynyŋ jūmysymen tanysyp, grant iegerlerımen jäne memlekettık baǧdarlamalar şeŋberınde qoldau alǧan tūrǧyndarmen pıkır almasty.
Emhanalar men jedel järdem qyzmetterıne baryp, medisinalyq qyzmet körsetu jüiesınıŋ qalai jūmys ısteitının közben kördı.
Baǧdarlama mazmūny jaǧynan auqymdy boldy. Aksiiaǧa qatysuşylar bılım beru nysandarynyŋ qūrylysy men memlekettık arhiv ǧimaratyn qaita jaŋǧyrtu barysyn baqylady.
Sonymen qatar önerkäsıp jäne sauda salasyndaǧy bırqatar nysandarǧa bardy. Atap aitqanda, rezeŋke-tehnikalyq būiymdar öndıretın zauytqa, «TEEZ» elektrondy marketpleisınıŋ alaŋyna,
sondai-aq tūraqtandyru qoryna satyp alynǧan azyq-tülık saqtalatyn «Saryarqa» ÄKK» AQ-nyŋ qoima keşenıne ekskursiialar ūiymdastyryldy.
Qoǧam ökılderınıŋ pıkırınşe, mūndai aşyq format memlekettık jäne qūqyq qorǧau organdarynyŋ qyzmetın tereŋırek tüsınuge mümkındık beredı.
Būl azamattar men memleket arasyndaǧy senımdı nyǧaityp qana qoimai, qūqyqtyq mädeniettı qalyptastyruǧa jäne zaŋǧa baǧynu qaǧidattaryn qoǧamda ornyqtyruǧa yqpal etedı.
