Qazaqstanda 2022 jyly mındettı äleumettık medisinalyq saqtandyru qorynyŋ qyzmetkerlerıne eŋbekaqy töleuge 9 mlrd teŋgeden astam soma jūmsaldy. Būl turaly mekemenıŋ basqarma töraǧasy Säbit Ahmetov Ortalyq kommunikasiialar qyzmetınde ötken brifingte mälımdedı, dep habarlaidy “Adyrna” ūlttyq portaly.
Orta eseppen alǧanda 2022 jyldyŋ qorytyndysy boiynşa qyzmetkerlerdı ūstauǧa 9 milliard teŋgeden astam qarajat jūmsaldy. Qorda myŋǧa juyq adam jūmys ısteidı. Bızdıŋ barlyq oblys boiynşa filialdarymyz bar, onda 700-ge juyq adam jūmys ısteidı, - dedı Säbit Ahmetov.
Qarjynyŋ 80 paiyzy eŋbekaqyny, 20 paiyzy özge şyǧyndardy öteuge jūmsalǧan.
Sonymen qatar Säbit Ahmetov äleumettık saqtandyru qorynda qyzmetkerlerdıŋ ūzaq merzımge tūraqtalmaitynyn aitty.
Ortaşa jalaqy – şamamen 450 myŋ teŋgenı qūraidy. Bıraq būl ondai köp soma emes. Sebebı bızde jyl saiyn kadrlardyŋ auysuy 22 paiyzdy qūraidy. Iаǧni ärbır besınşı adam jyl saiyn jūmystan ketedı degen söz. Jükteme öte ülken bolǧandyqtan, jūmys ta öte köp. Säikesınşe olar mūndai jüktemege şydamai, qyzmetten ketedı. Eger jalaqymyz jaqsy bolǧanda, onda adamdar bızden ketpeitın edı, – dedı ol.
