Qazaqstanda 2022 jyly mindetti áleýmettik medıınalyq saqtandyrý qorynyń qyzmetkerlerine eńbekaqy tóleýge 9 mlrd teńgeden astam soma jumsaldy. Bul týraly mekemeniń basqarma tóraǵasy Sábıt Ahmetov Ortalyq kommýnıkaııalar qyzmetinde ótken brıfıngte málimdedi, dep habarlaıdy “Adyrna” ulttyq portaly.
Orta eseppen alǵanda 2022 jyldyń qorytyndysy boıynsha qyzmetkerlerdi ustaýǵa 9 mıllıard teńgeden astam qarajat jumsaldy. Qorda myńǵa jýyq adam jumys isteıdi. Bizdiń barlyq oblys boıynsha fılıaldarymyz bar, onda 700-ge jýyq adam jumys isteıdi, - dedi Sábıt Ahmetov.
Qarjynyń 80 paıyzy eńbekaqyny, 20 paıyzy ózge shyǵyndardy óteýge jumsalǵan.
Sonymen qatar Sábıt Ahmetov áleýmettik saqtandyrý qorynda qyzmetkerlerdiń uzaq merzimge turaqtalmaıtynyn aıtty.
Ortasha jalaqy – shamamen 450 myń teńgeni quraıdy. Biraq bul ondaı kóp soma emes. Sebebi bizde jyl saıyn kadrlardyń aýysýy 22 paıyzdy quraıdy. Iaǵnı árbir besinshi adam jyl saıyn jumystan ketedi degen sóz. Júkteme óte úlken bolǵandyqtan, jumys ta óte kóp. Sáıkesinshe olar mundaı júktemege shydamaı, qyzmetten ketedi. Eger jalaqymyz jaqsy bolǵanda, onda adamdar bizden ketpeıtin edi, – dedi ol.
