Jazuşy-publisist Marat Baidıldäūly qyzyl tu jelbıretkenderge narazylyǧyn jazdy, dep habarlaidy "Adyrna". Būl turaly özınıŋ Facebook paraqşasynda bölıstı.
Ministrlık nazaryna dep, Jeŋıs künıne şeru ūiymdastyrǧandardyŋ qyzyl jalau jelbıretkenderıne narazylyǧyn bıldırdı ol. Aituynşa, astyrtyn öge ideologiiany közdeuşılerge şara qoldaun qajet deidı:
"Almaty - Qapşaǧai trassasynda joiylǧan Sovet ökımetınıŋ Qyzyl jalauyn jelbıretken avtomobilder legı tairaŋdap öttı. Arasynda bıren-saran Qazaqstan jalauyn qoiyp alǧan. Reseidıŋ Qazaqstandy özıne qosyp alu saiasatyn qoldaǧan raşister täuelsız Qazaqstan halqyn nege basynady? Mūndai bassyzdyqtar qaşan toqtaidy?
Osy oqiǧaǧa bailanysty ony ūiymdastyrǧan, qatysqan jügensızderge qataŋ şara qoldanu qajet dep esepteimız!" dep jazdy ol.
Pıkır bıldıruşı jūrt, "tairaŋdatpau kerek", "öte dūrys, sazaiyn beru kerek", "ne sūmdyq" degen jazbalaryn qaldyruda.
Būǧan deiın "Adyrna" redaksiiasy elımızde qyzyl tu jelbıretkenderdıŋ ısıne qatysty zaŋger mamannan pıkır alǧan bolatyn.
"Adyrna" ūlttyq portaly
Ūqsas jaŋalyqtar
