جازۋشى-پۋبليتسيست مارات ءبايدىلداۇلى قىزىل تۋ جەلبىرەتكەندەرگە نارازىلىعىن جازدى، دەپ حابارلايدى "ادىرنا". بۇل تۋرالى ءوزىنىڭ Facebook پاراقشاسىندا ءبولىستى.
مينيسترلىك نازارىنا دەپ، جەڭىس كۇنىنە شەرۋ ۇيىمداستىرعانداردىڭ قىزىل جالاۋ جەلبىرەتكەندەرىنە نارازىلىعىن ءبىلدىردى ول. ايتۋىنشا، استىرتىن وگە يدەولوگيانى كوزدەۋشىلەرگە شارا قولداۋن قاجەت دەيدى:
"الماتى - قاپشاعاي تراسساسىندا جويىلعان سوۆەت وكىمەتىنىڭ قىزىل جالاۋىن جەلبىرەتكەن اۆتوموبيلدەر لەگى تايراڭداپ ءوتتى. اراسىندا بىرەن-ساران قازاقستان جالاۋىن قويىپ العان. رەسەيدىڭ قازاقستاندى وزىنە قوسىپ الۋ ساياساتىن قولداعان راشيستەر تاۋەلسىز قازاقستان حالقىن نەگە باسىنادى؟ مۇنداي باسسىزدىقتار قاشان توقتايدى؟
وسى وقيعاعا بايلانىستى ونى ۇيىمداستىرعان، قاتىسقان جۇگەنسىزدەرگە قاتاڭ شارا قولدانۋ قاجەت دەپ ەسەپتەيمىز!" دەپ جازدى ول.
پىكىر ءبىلدىرۋشى جۇرت، "تايراڭداتپاۋ كەرەك", "وتە دۇرىس، سازايىن بەرۋ كەرەك", "نە سۇمدىق" دەگەن جازبالارىن قالدىرۋدا.
بۇعان دەيىن "ادىرنا" رەداكتسياسى ەلىمىزدە قىزىل تۋ جەلبىرەتكەندەردىڭ ىسىنە قاتىستى زاڭگەر ماماننان پىكىر العان بولاتىن.
"ادىرنا" ۇلتتىق پورتالى
