Bügın QR Parlamentı Mäjılısınde “Qazaqstandaǧy dıni ahual. Radikalizm men ekstremizmge qarsy küres” taqyrybynda keŋeitılgen otyrys öttı. Keŋeste radikaldy toptarlyŋ ülkenderdıŋ sanasyn ǧana emes, mektep pen balabaqşaǧa baratyndardyŋ sanasyn da myqtap ulauǧa kırıskenı aitylyp, Dın ısterı basqarmalarynyŋ mäselelerı talqyǧa tüstı, dep habarlaidy "Adyrna" ūlttyq portaly.
QR Mäjılısınıŋ deputaty Nartai Särsenǧalievtıŋ aituynşa, elımızde bolǧan laŋkestık şabuyldar men terrorlyq äreketter jıtı tekserılmeidı. Memleket ünemı oqiǧanyŋ saldarymen küresumen keledı.
- Būǧan deiın Qazaqstannyŋ qai aimaǧynda laŋkestık şabuyl bolsa nemese terrorlyq akt jasamaq bolǧandar ūstalsa ǧana qoǧam bolyp talqylap, keiın kömeskı qalatyn taqyryp edı būl. Būl öz kezegınde mäselenıŋ tek saldarymen küresuge äkeledı. Al sebebı qaşanǧydai eskerusız qalady. Baiandama oqydym, oǧan daiyndalǧanda eldegı dıni ahualdyŋ qanşalyqty qauıptı bop ketkenıne közım jettı. Taqyrypqa qatysty aitylǧan derekterdıŋ köbı qūpiia, sondyqtan jariialauǧa bolmaidy. Alaida, jūmys tobyn qūrsaq būl mäselege qatysty Zaŋ jobasyn qaitadan jıtı qarauǧa, jūmysty jüielı jürgızuge mümkındık alamyz, - dedı deputat.Sonymen qatar, Nartai Särsenǧaliev öŋırdegı dıni ahualmen Dın ısterı basqarmalary qajettı därejede ainalysyp otyra almaǧanyn aity. Dın atyn jamylǧan jat aǧymnyŋ mektep pen balabaqşalarda tamyr jaia bastaǧanynan qauıptendı.
- Bır derek, öŋırdegı dıni ahualdy Dın ısterı basqarmalaryna senıp tapsyrady bilık. Soraqysy sol, 4 oblysta Dın ısterı basqarmasy atymen joq. Sonda ol jaqtaǧy radikaldy aǧym ökılderımen kım küresıp, olardy oŋaltu jūmystarymen kım ainalysyp jatyr? Ol ol ma, Dın ısterı basqarmasy bar öŋırlerde de jaǧdai oŋyp tūrǧan joq. Sebebı ol jerdegı teolog, dıntanuşy, psiholog, islamtanuşy mamandardyŋ jalaqysy öte tömen. Tiısınşe kadr tūraqtamaidy. Būl bügın qyzu talqylanǧan mäselelerdıŋ bır parasy ǧana. Radikaldar ülkender men orta jastaǧy azamattarymyzdy ǧana emes, balabaqşa men mekteptegı balalarymyzdyŋ da miyn ulauǧa myqtap kırısken. Sūmdyq! Aldaǧy uaqytta būl taqyryppen tyŋǧylyqty ainalysatyn bolamyz. Elımız aman bolsyn! - dedı deputat.
Ūqsas jaŋalyqtar
balabaqşa
sodyrlar
islam
ekstremizm
radikalizm
QR Parlamentı Mäjılısı
Qazaqstandaǧy dıni ahual. Radikalizm men ekstremizmge qarsy küres
jat aǧymdar
radikaldar
qazaqstan zaiyrly memleket
