Memleket basşysy Qasym-Jomart Kemelūlynyŋ tapsyrmasy negızınde Almaty qalasynyŋ Jetısu audanynda 160 orynǧa arnalǧan su jaŋa balabaqşanyŋ ırgetasy qalanyp bastaldy, dep habarlaidy «Adyrna» tılşısı.
Eserıŋızde bolsa, Prezident Qasym-Jomart Toqaev Qazaqstan halqyna Joldauynda 2025 jylǧa deiın alty jasqa tolmaǧan balalardy mektepke deiıngı bılımmen 100% qamtudy tapsyrdy.
Osy pärmennıŋ aiasynda Almaty maŋynda mektepke deiıngı ūiymdar qūrylysy qarqyn aluda. Būl turaly şahar basşysy Erbolat Doseav Jetısu audanynyŋ tūrǧyndarymen ötkızgen kezdesuınde aitqan edı.
Bügıngı taŋda Jetısu audanyndaǧy 2 balabaqşaǧa oryn tapşylyǧyn qysqartu maqsatynda kürdelı jöndeu jūmystary jürıp jatyr.
«Mektepke deiıngı ūiymdardaǧy oryn tapşylyǧyn qysqartu maqsatynda 440 oryndyq 2 balabaqşanyŋ qūrylys-montajdau jäne jobalau jūmystary jürgızılude. «Ainabūlaq-4» şaǧynaudanynda 160 oryndyq balabaqşanyŋ qūrylysy bastaldy. Qūrylysy kelesı jyldyŋ mausym aiynda aiaqtalady. Osy jyldyŋ mausym aiynda jeke menşıkte bolǧan ekı qabatty äkımşılık ǧimarat satyp alyndy. Qazırgı uaqytta 280 oryndyq balabaqşany kürdelı jöndeu üşın jobalau-smetalyq qūjattama äzırlenude. Jobalau jeltoqsanda aiaqtalyp, qūrylysy 2023 jyldyŋ I toqsanynda bastalady. Būl mektepke deiıngı mekemege Ratuşnyi-Qazybaev-Serıkov-Rysqūlov köşelerınde tūratyn balalar bara alady», – dedı qala äkımı Erbolat Dosaev.
Ūqsas jaŋalyqtar
