Parlament depýtattaryna ótken jyly 6,5 mlrd teńge bólinse, 2022 jyly shendiler Úkimetten 8 mlrd teńge alǵan, dep habarlaıdy "Adyrna" ulttyq portaly Ulysmedıaǵa siltep.
"Ulysmedıa" basylymy depýtattardyń ortasha jalaqysy men múlkine zertteý júrgizgenin jarııalady.
Nátıjesinde, qazaqstandyq depýtattardyń ortasha jalaqysy – 700 myń teńgeden 1,5 mln teńgege deıin ekeni anyqtaldy.
Parlamenttegi eń joǵary jalaqyny Májilis pen Senat tóraǵalary alady. Ashyq derekkózde olardyń aılyǵy aı saıyn shamamen 1,5 mln teńge ekeni kórsetilgen.
Aılyqtan bólek el depýtattary tegin medıınalyq qyzmet kórsetý, issapar tólemderi, qyzmettik páter, kólik, qarý-jaraq alady.
Onymen qosa Parlament músheleriniń oqytýshylyq ǵylymı nemese ózge de shyǵarmashylyq qyzmetten basqa qandaı da bir basqa organnyń atynan ókildik etýge, aqy tólenetin laýazymdardy atqarýǵa, bıznespen aınalysýǵa da tyıym salynady.
Qazaqstandyq depýtattar palatanyń jalpy otyrystaryna qatysýǵa mindetti, májilismender úshin bul sársenbi, senatorlar úshin – beısenbidegi jıyn. Dúısenbide keıde úkimettik saǵattar, al jumada parlamenttik tyńdaýlar ótedi. Qalǵan ýaqytta depýtattar jumys toptaryna, komıtet otyrystaryna jáne basqa da kóptegen jıyndarǵa qatysady.
Halyq depýtattardyń qandaı múlki baryn, buryn nendeı qyzmetpen aınalysqanyn biledi.
BAQ pen halyq nazaryna jıi ilinetin májilismen Dáýlet Turlyhanov - burynǵy sportshy, grek-rım kúresiniń balýany, Qazaqstannyń eńbek sińirgen jattyqtyrýshysy. Qazir ol depýtattyq mindetin atqarady.
Turlyhanovtar otbasynyń aktıvteri qatarynda Semeı qalasyndaǵy avtobýstar men aýyl sharýashylyǵy tehnıkasyn shyǵaratyn «SemAZ» zaýyty bar.
"«SemAZ» JShS kólikti óndirýmen, satýmen jáne servıstik qyzmet kórsetýmen aınalysatyn «Vıraj» kompanııalar tobyna kiredi. Toptyń basty quryltaıshylarynyń biri – Májilistiń burynǵy basshysy Nurlan Nyǵmatýlınniń baýyry Erlan Nyǵmatýlın", - delingen Ulysmedıa aqparatynda.
Budan basqa, depýtat Turlyhanovtyń Aqmola oblysynda tirkelgen jeke kásipkerligi jáne balyq resýrstary men basqa da sý janýarlaryn aýlaýǵa lıenzııasy bar. Jeke kásipkerliginiń jyldyq kirisi shamamen 17,5 mln teńgeni quraıdy.
"Betmen" bolyp kıinip, jurtty shýlatqan 39 jastaǵy Rýslan Berdenov. Onyń esimin qazir aty dúrkirep turǵan, megapolısterde ashylǵan Sandyq ulttyq meıramhanalar jelisi men "Tarymen" jıi baılanystyryp jatady. Ashyq derekkózde depýtat Berdenov – Akniet Pharmaceuticals kompanııasyna ıelik etetin bıznesmen Qaırat Itemgenovtyń synyptasy ári toptasy.
Búginde el Senatynda barlyǵy 50 depýtat, Májiliste 98 depýtat bar.
