Parlament deputattaryna ötken jyly 6,5 mlrd teŋge bölınse, 2022 jyly şendıler Ükımetten 8 mlrd teŋge alǧan, dep habarlaidy "Adyrna" ūlttyq portaly Ūlysmediaǧa sıltep.
"Ūlysmedia" basylymy deputattardyŋ ortaşa jalaqysy men mülkıne zertteu jürgızgenın jariialady.
Nätijesınde, qazaqstandyq deputattardyŋ ortaşa jalaqysy – 700 myŋ teŋgeden 1,5 mln teŋgege deiın ekenı anyqtaldy.
Parlamenttegı eŋ joǧary jalaqyny Mäjılıs pen Senat töraǧalary alady. Aşyq derekközde olardyŋ ailyǧy ai saiyn şamamen 1,5 mln teŋge ekenı körsetılgen.
Ailyqtan bölek el deputattary tegın medisinalyq qyzmet körsetu, ıssapar tölemderı, qyzmettık päter, kölık, qaru-jaraq alady.
Onymen qosa Parlament müşelerınıŋ oqytuşylyq ǧylymi nemese özge de şyǧarmaşylyq qyzmetten basqa qandai da bır basqa organnyŋ atynan ökıldık etuge, aqy tölenetın lauazymdardy atqaruǧa, biznespen ainalysuǧa da tyiym salynady.
Qazaqstandyq deputattar palatanyŋ jalpy otyrystaryna qatysuǧa mındettı, mäjılısmender üşın būl särsenbı, senatorlar üşın – beisenbıdegı jiyn. Düisenbıde keide ükımettık saǧattar, al jūmada parlamenttık tyŋdaular ötedı. Qalǧan uaqytta deputattar jūmys toptaryna, komitet otyrystaryna jäne basqa da köptegen jiyndarǧa qatysady.
Halyq deputattardyŋ qandai mülkı baryn, būryn nendei qyzmetpen ainalysqanyn bıledı.
BAQ pen halyq nazaryna jiı ılınetın mäjılısmen Däulet Tūrlyhanov - būrynǧy sportşy, grek-rim küresınıŋ baluany, Qazaqstannyŋ eŋbek sıŋırgen jattyqtyruşysy. Qazır ol deputattyq mındetın atqarady.
Tūrlyhanovtar otbasynyŋ aktivterı qatarynda Semei qalasyndaǧy avtobustar men auyl şaruaşylyǧy tehnikasyn şyǧaratyn «SemAZ» zauyty bar.
"«SemAZ» JŞS kölıktı öndırumen, satumen jäne servistık qyzmet körsetumen ainalysatyn «Viraj» kompaniialar tobyna kıredı. Toptyŋ basty qūryltaişylarynyŋ bırı – Mäjılıstıŋ būrynǧy basşysy Nūrlan Nyǧmatulinnıŋ bauyry Erlan Nyǧmatulin", - delıngen Ūlysmedia aqparatynda.Būdan basqa, deputat Tūrlyhanovtyŋ Aqmola oblysynda tırkelgen jeke käsıpkerlıgı jäne balyq resurstary men basqa da su januarlaryn aulauǧa lisenziiasy bar. Jeke käsıpkerlıgınıŋ jyldyq kırısı şamamen 17,5 mln teŋgenı qūraidy. "Betmen" bolyp kiınıp, jūrtty şulatqan 39 jastaǧy Ruslan Berdenov. Onyŋ esımın qazır aty dürkırep tūrǧan, megapolisterde aşylǧan Sandyq ūlttyq meiramhanalar jelısı men "Tarymen" jiı bailanystyryp jatady. Aşyq derekközde deputat Berdenov – Akniet Pharmaceuticals kompaniiasyna ielık etetın biznesmen Qairat İtemgenovtyŋ synyptasy ärı toptasy. Bügınde el Senatynda barlyǧy 50 deputat, Mäjılıste 98 deputat bar.
Ūqsas jaŋalyqtar
