Ulttyq birińǵaı testileý ýaqyty men bıylǵy oqý jylyna bólingen grant sany belgili boldy. Bul týraly QR Ǵylym jáne joǵary bilim vıe-mınıstri Qýanysh Erǵalıev málim etti, dep habarlaıdy "Adyrna" ulttyq portaly.
Bıyl 18 mamyrdan bastap negizgi UBT bastaldy. Naqtyraq aıtsaq, oqýshylardyń bilimin aıtqyndaıtyn testileý 5 shildege deıin jalǵasady. Talapkerler úshin 88 myń grant bólingeni belgili boldy.
«Jalpy, UBT-ǵa 166 myń talapker ótinish tapsyrdy. Bıyl Memleket basshysy Qasym-Jomart Kemeluly Toqaevtyń bergen tapsyrmasyn oryndaýdy jalǵastyramyz. Bul rette granttyń 60 paıyzy ınjenerlik-tehnıkalyq mamandyqtardy qamtıdy. Sondaı-aq, tyǵyz ornalasqan, jańa qurylǵan jáne batys aımaqtaryndaǵy jastar úshin de arnaıy grant bólingen. 2023 jyly óńirlik JOO-larǵa bólinetin pedagogıkalyq kvota sany artyp, 6280 grant bólindi. Al «Serpin» baǵdarlamasy boıynsha 3653 grant bólindi», - dedi Q. Erǵalıev Ortalyq kommýnıkaııalar qyzmetindegi baspasóz máslıhatynda.
Joǵarǵy bilim mınıstri orynbasarynyń aıtýynsha, «Serpin» baǵdarlamasynyń ıigiligin kórgender bıyl úsh jyl emes, eki jyl kóleminde óz mindetin óteıdi. Sondaı-aq, grantty jumys arqyly óteý oqyǵan aımaqta ǵana emes, baǵdarlama aıasynda qamtylǵan basqa aımaqtarǵa da barýǵa bolady.
«Bilim berý granttarynyń jalpy sany 88 myńdy qurady. Onyń ishinde bakalavrıatta oqý úshin 73 myń grant, magıstratýraǵa – 13 myń, doktorantýraǵa 1890 grant bólinip otyr. Bıyl grantqa qujattardy qabyldaý jáne onyń ıegerleriniń tizimin jarııalaý kúnderine qatysty ózgeris bolmaıdy. Iaǵnı, 13-20 shilde aralyǵynda grantqa qujattardy qabyldaýdy, al grant ıegerleriniń tizimin 10 tamyzǵa deıin jarııalaýdy josparlap otyrmyz. Joǵary oryndaryna qabyldaý 25 tamyzǵa deıin júzege asyrylady», - dedi vıe-mınıstr.
"Adyrna" ulttyq portaly
