Túrkııalyq menedjer Alp Er Týnga Ersoı Almaty áýejaıynyń prezıdenti qyzmetinen ketedi, dep habarlaıdy “Adyrna” ulttyq portaly áýejaıdyń baspasóz qyzmetine siltep.
«Josparǵa sáıkes, Alp Er Týnga Ersoı áýejaıdyń jańa halyqaralyq termınalynyń qurylysy aıaqtalǵan soń Almaty halyqaralyq áýejaıynyń prezıdenti qyzmetinen ketedi», - delindi resmı jaýapta.
Onyń avıaııalyq mansabyn jańa rólde jalǵastyratyny kórsetilgen. Basshylyqtyń aýysýy týraly resmı málimdeme búgin ıaǵnı, 5 maýsymda kútilýde.
Túrik menedjeri ońtústik astananyń áýe aılaǵyn 2021 jyldyń qyrkúıeginen bastap basqardy.
