İran İslam Respublikasynyŋ prezidentımen kelıssözder qorytyndysyna orai ötken baspasöz mäslihatynda el tarihy üşın qūndy materialdar ūsynyldy, dep habarlaidy «Adyrna» ūlttyq portaly.
Prezidenttıŋ sözınşe, İran delegasiiasy alyp kelgen 27 köne qoljazbanyŋ köşırmelerı 18 ǧasyrdaǧy qazaq tarihy men mädenietıne arnalǧan.
«Qazaq tılınde parsy sözderı köp. Ǧalymdar tıldık qorymyzdaǧy parsy sözderınıŋ ülesı 4 paiyz dep sanaidy. Olardyŋ qatarynda astana, paida, körme, däulet, därı, därmek, aula, oraza siiaqty sözder bar. Bügınde İrannyŋ soltüstıgındegı Gülstan provinsiiasynyŋ Gorgan, Bändar Türkımen jäne Kümbed qalalarynda 5 myŋnan astam qazaq tūrady. Firdousidıŋ “Şahnamasy” men onyŋ keiıpkerlerı Tūran halyqtaryna da jaqyn. Qazaqtyŋ ūly aqyny Abai Firdousi, Hafez, Saǧdi siiaqty parsy şaiyrlarynyŋ şyǧarmalarymen tanys bolǧan», — dedı Prezident.
Memleket basşysy İran ūsynǧan materialdarda Qazaq handyǧynyŋ äleumettık-ekonomikalyq ahualy, körşı eldermen qarym-qatynasy, aimaqtaǧy bäsekelestık jäne Türkıstannyŋ saiasi-ekonomikalyq jaǧdaiyna qatysty qūndy derekter qamtylǧanyn atap öttı.
«Ūsynylǧan 27 qoljazbada Qazaq handyǧynyŋ äleumettık-ekonomikalyq ahualy, körşı eldermen qarym-qatynasy, aimaqtaǧy bäsekelestık, Türkıstan aimaǧynyŋ saiasi-ekonomikalyq jaǧdaiy, Resei patşalyǧynyŋ qazaq aimaqtary men handyqtaryna qatysty äreketterı turaly saraptamalar berılgen. Sondai-aq qazaq dalasynda kömır, temır, mys, qorǧasyn jäne biriuza kenışterınıŋ tabylyp, olardy öndıru jönındegı mälımetter bar. Öte qyzyq derekter qamtylǧan. Sızge köp raqmet, Prezident myrza», — dedı Qasym-Jomart Toqaev İran basşysyna qarata.
