Äskerde öz-özıne qol salu derekterınıŋ artqanyn senattaǧy Bas äskeri prokurordyŋ bırınşı orynbasary Maqsat Qaziev joqqa şyǧardy. Onyŋ aituynşa, öz-özıne qol salu faktılerı äskerde jiı bolady degen qoǧamdyq pıkır - negızsız, dep habarlaidy "Adyrna" ūlttyq portaly.
Maqsat Qaziev öz baiandamasynda 2020 jyldan bastap 270 äskeri qyzmetker köz jūmǧanyn habarlady. 2020 jyly 78, 2021 jyly 96 adam, 2022 jyly 85 adam jäne 2023 jyldyŋ basynan bastap 11 äskeri qyzmetkerdıŋ jan täsılım etkenı aityldy.
Prokuror paiyzdyq derekterdı alǧa tartyp, äskerdegı ölımdı "aqtap aluǧa" tyrysty. Onyŋ aituynşa, äskerilerdıŋ 36%-y aurudan, 24%-y apat saldarynan jäne 20%-y suisid kesırınen köz jūmady.
"Özın-özı öltıru jaǧdailary barşany alaŋdatady. Türlı mälımetter boiynşa, halyq arasyndaǧy suisid deŋgeiı boiynşa Qazaqstan älemnıŋ 20 elınıŋ qataryna, al jasöspırımder arasynda alǧaşqy üştıkke kıredı. Qūqyqtyq statistika komitetınıŋ 2018-2022 jyldardaǧy neǧūrlym naqty resmi derekterı boiynşa, elde 17 631 suisid faktısı tırkeldı. Al 21 332 adam özıne qol saluǧa äreket jasaǧan. Onyŋ ışınde 86 suisid jäne 20 özıne qol salu äreketı äskerde boldy. Demek, özıne qol salu äskerde jiı bolady degen qoǧamdyq pıkır resmi mälımettermen rastalmaidy", – dedı Qaziev.Sonymen qatar, Qaziev sarbazdardyŋ zaŋsyz äreket negızınde öz ömırın özı üzetındıgın aitady. Soŋǧy üş jylda qylmystyq ärekettıŋ saldarynan äskerde toǧyz adam mert bolǧan.
"Adyrna" ūlttyq portaly
Ūqsas jaŋalyqtar
#suisid
sarbaz ölımı
äskerdegı ölım
Bas äskeri prokuror
Maqsat Qaziev
Qūqyqtyq statistika komitetı
Bas äskeri prokurordyŋ bırınşı orynbasary Maqsat Qaziev
