Saud Arabiiasynyŋ ışkı ıster ministrlıgı Mekkedegı Äl-Haram meşıtınıŋ joǧarǧy qabatynan er adamnyŋ qūlaǧany jönınde resmi mälımdeme jasady, dep habarlaidy "Adyrna" ūlttyq portaly.
Būl turaly Khaleej Times habarlady.
Meşıttıŋ qauıpsızdık qyzmetınıŋ mälımetınşe, er adam öz-özıne qol jūmsamaq bolyp, ǧimarattyŋ joǧary bölıgınen sekırgen. Oqiǧa kezınde jaqyn maŋda bolǧan qauıpsızdık qyzmetkerı ony toqtatuǧa tyrysqanymen, saldarynan özı de jaraqat alǧan.
Qazırgı taŋda ekı adam da auruhanaǧa jatqyzylyp, qajettı medisinalyq kömek körsetılıp jatyr.
Vedomstvo ökılderı atalǧan jaǧdaiǧa qatysty barlyq qūqyqtyq jäne resmi tekseru jūmystary aiaqtalǧanyn habarlady.
Oqiǧaǧa bailanysty pıkır bıldırgen Äl-Haram meşıtınıŋ bas imamy Abdurrahman as-Sudais qajylardy qasiettı mekennıŋ tärtıbın qataŋ saqtauǧa şaqyrdy. Ol meşıtke kelgen ärbır adamnyŋ islam ädebın ūstanyp, özın tek qūlşylyq pen dūǧaǧa arnauy qajet ekenın atap öttı.
Sondai-aq bas imam islam şariǧatynyŋ negızgı maqsattarynyŋ bırı – adam ömırın qorǧau ekenın eske saldy.
