Qazaqstan ókilderi tyıym salynsa da Aýǵanstanda bılik quryp otyrǵan Talıban (Qazaqstanda tyıym salynǵan uıym) ákimshiligi ókilderimen kezdesti. Bul týraly Qazaqstan Syrtqy ister mınıstrliginiń resmı ókili Aıbek Smadııarov Facebook paraqshasynda jarııalady, dep habarlaıdy “Adyrna” ulttyq portaly.
“Keshe Premer-mınıstrdiń orynbasary – Saýda mınıstri Serik Jumanǵarın bastaǵan qazaqstandyq delegaııa Aýǵanstan astanasy – Kabýl qalasynda boldy. Aýǵanstan halqyna gýmanıtarlyq kómek jetkizý saltanatty rásimi ótken.
Bul Memleket basshysynyń tapsyrmasy boıynsha jasaldy. Ótken sapar men gýmanıtarlyq kómek týraly tolyǵyraq aqparat Saýda mınıstrliginiń resmı habarlamarynda beriledi”,- dep jazdy Aıbek Smadııarov.
Sonymen qatar, Kabýlda Qazaqstan jáne Aýǵanstan kásipkerleriniń kezdesýi ótip, arnaıy saýda bıznes-forýmy uıymdastyrylǵan. Smadııarovtyń aıtýynsha, bıznesmenderdiń kóńil-kúıine qaraǵanda óte sátti bolǵan.
Odan bólek, jaqyn arada Aýǵanstanda Qazaqstannyń Saýda úıi ashylmaq.
“BUU Halyq qorynyń baǵalaýy boıynsha Aýǵanstan halqy shamamen 40 mln adamdy quraıdy. Árıne bul bizdiń óndirýshiler úshin óte tartymdy ári qyzyq naryq. Tek 2022 jyldyń ózinde aýǵandarmen ekijaqty saýda kólemi rekordtyq kórsetkishke — 987,9 mıllıon dollarǵa jetti, bul ótken jylmen salystyrǵanda 2,1 esege artty. Saýdanyń artýy, eń aldymen, otandyq ónim eksportynyń ósýiniń arqasynda bolǵan jaǵdaı. Al bıyl Qazaqstanda óndirilgen taýarlardy eksporttaý esebinen 1 mlrd dollardy eńserý týraly senimmen aıtýǵa bolady. Negizinen kásipkerlerimiz bul elge bıdaı nemese bıdaı-qara bıdaı uny, bıdaı, keptirilgen burshaq kókónisteri, legırlenbegen bolattan jasalǵan jalpaq prokat, temirjol lokomotıvteri, zyǵyr tuqymdary men kúnbaǵys maıyn eksporttaıdy.
Halyqaralyq qaýymdastyq Aýǵanstandaǵy ekonomıkalyq kúıreýge, gýmanıtarlyq daǵdarysqa jol bermeý kerek degen ortaq túsinikke ıe bolǵandyqtan, biz bul elmen saýda-ekonomıkalyq baılanystardy qalpyna keltirip, damytýymyz kerek. Ekonomıkalyq yntymaqtastyq salasynda, Qazaqstan men Aýǵanstan arasyndaǵy, ásirese Ortalyq jáne Ońtústik Azııadaǵy ıntegraııalyq úderister salasyndaǵy qarym-qatynastardy damytý vektorlarynyń biri retinde ınfraqurylymdyq jobalardy iske asyrýdyń mańyzdylyǵyn atap ótken jón ”, - dep jazdy Aıbek Smadııarov
Sondaı-aq, ol bir jarym jyl buryn Aýǵanstanǵa barǵan saparyn eske aldy.
“Aýǵandyqtardyń dastarhanyndaǵy qazaq ónimderi sapa men tamasha dámniń belgisi bolyp sanalady eken. Shokoladtar, kámpıtter men táttiler erekshe baǵalanady. Qazaqtyń unynan jasalǵan nan týraly aıtyp ta qajeti joq, ol barlyq úıde derlik bar”,- dedi Smadııarov.
Eske salaıyq, 2021 jyly 17 qazanda qazaqstandyq delegaııa Talıban (Qazaqstanda tyıym salynǵan uıym) qozǵalysynyń jetekshilerimen kezdesken bolatyn. Sol kezde Syrtqy ister mınıstrliginiń baspasóz hatshysy Aıbek Smadııarov Facebook paraqshasyna eki qarýly adamnyń (Qazaqstan elshiligin kúzetip turǵan tálipter) arasynda turǵan sýretin jarııalaǵan edi.
