Qazaqstan ökılderı tyiym salynsa da Auǧanstanda bilık qūryp otyrǧan Taliban (Qazaqstanda tyiym salynǧan ūiym) äkımşılıgı ökılderımen kezdestı. Būl turaly Qazaqstan Syrtqy ıster ministrlıgınıŋ resmi ökılı Aibek Smadiiarov Facebook paraqşasynda jariialady, dep habarlaidy “Adyrna” ūlttyq portaly.
“Keşe Premer-ministrdıŋ orynbasary – Sauda ministrı Serık Jūmanǧarin bastaǧan qazaqstandyq delegasiia Auǧanstan astanasy – Kabul qalasynda boldy. Auǧanstan halqyna gumanitarlyq kömek jetkızu saltanatty räsımı ötken.
Būl Memleket basşysynyŋ tapsyrmasy boiynşa jasaldy. Ötken sapar men gumanitarlyq kömek turaly tolyǧyraq aqparat Sauda ministrlıgınıŋ resmi habarlamarynda berıledı”,- dep jazdy Aibek Smadiiarov.
Sonymen qatar, Kabulda Qazaqstan jäne Auǧanstan käsıpkerlerınıŋ kezdesuı ötıp, arnaiy sauda biznes-forumy ūiymdastyrylǧan. Smadiiarovtyŋ aituynşa, biznesmenderdıŋ köŋıl-küiıne qaraǧanda öte sättı bolǧan.
Odan bölek, jaqyn arada Auǧanstanda Qazaqstannyŋ Sauda üiı aşylmaq.
“BŪŪ Halyq qorynyŋ baǧalauy boiynşa Auǧanstan halqy şamamen 40 mln adamdy qūraidy. Ärine būl bızdıŋ öndıruşıler üşın öte tartymdy ärı qyzyq naryq. Tek 2022 jyldyŋ özınde auǧandarmen ekıjaqty sauda kölemı rekordtyq körsetkışke — 987,9 million dollarǧa jettı, būl ötken jylmen salystyrǧanda 2,1 esege artty. Saudanyŋ artuy, eŋ aldymen, otandyq önım eksportynyŋ ösuınıŋ arqasynda bolǧan jaǧdai. Al biyl Qazaqstanda öndırılgen tauarlardy eksporttau esebınen 1 mlrd dollardy eŋseru turaly senımmen aituǧa bolady. Negızınen käsıpkerlerımız būl elge bidai nemese bidai-qara bidai ūny, bidai, keptırılgen būrşaq kökönısterı, legirlenbegen bolattan jasalǧan jalpaq prokat, temırjol lokomotivterı, zyǧyr tūqymdary men künbaǧys maiyn eksporttaidy.
Halyqaralyq qauymdastyq Auǧanstandaǧy ekonomikalyq küireuge, gumanitarlyq daǧdarysqa jol bermeu kerek degen ortaq tüsınıkke ie bolǧandyqtan, bız būl elmen sauda-ekonomikalyq bailanystardy qalpyna keltırıp, damytuymyz kerek. Ekonomikalyq yntymaqtastyq salasynda, Qazaqstan men Auǧanstan arasyndaǧy, äsırese Ortalyq jäne Oŋtüstık Aziiadaǧy integrasiialyq üderıster salasyndaǧy qarym-qatynastardy damytu vektorlarynyŋ bırı retınde infraqūrylymdyq jobalardy ıske asyrudyŋ maŋyzdylyǧyn atap ötken jön ”, - dep jazdy Aibek Smadiiarov
Sondai-aq, ol bır jarym jyl būryn Auǧanstanǧa barǧan saparyn eske aldy.
“Auǧandyqtardyŋ dastarhanyndaǧy qazaq önımderı sapa men tamaşa dämnıŋ belgısı bolyp sanalady eken. Şokoladtar, kämpitter men tättıler erekşe baǧalanady. Qazaqtyŋ ūnynan jasalǧan nan turaly aityp ta qajetı joq, ol barlyq üide derlık bar”,- dedı Smadiiarov.
Eske salaiyq, 2021 jyly 17 qazanda qazaqstandyq delegasiia Taliban (Qazaqstanda tyiym salynǧan ūiym) qozǧalysynyŋ jetekşılerımen kezdesken bolatyn. Sol kezde Syrtqy ıster ministrlıgınıŋ baspasöz hatşysy Aibek Smadiiarov Facebook paraqşasyna ekı qaruly adamnyŋ (Qazaqstan elşılıgın küzetıp tūrǧan tälıpter) arasynda tūrǧan suretın jariialaǧan edı.
