Qazaqstan men Qytai arasyndaǧy ekonomikalyq yntymaqtastyq qarqyndy damyp kele jatyr. Būl turaly prezident Qasym-Jomart Toqaev Qytaidyŋ Sinhua aqparat agenttıgıne bergen ekskliuzivtı sūhbatynda aitty, dep habarlaidy «Adyrna» tılşısı.
Memleket basşysynyŋ sözınşe, bügınde Qazaqstan aumaǧynda qytai kapitalynyŋ qatysuymen qūrylǧan 9 myŋnan astam kompaniia tabysty jūmys ıstep jatyr.
«Būl – elımızdegı şeteldık käsıporyndardyŋ şamamen ärbır jetınşısı degen söz. Olardyŋ qatarynda CNPC, CITIC, Huawei sekıldı ırı korporasiialar bar. Al Qazaqstan men Qytai arasyndaǧy önerkäsıptık kooperasiia jalpy investisiia kölemı 62 milliard dollardan asatyn 260 jobany qamtidy»,–dedı prezident.
Aituynşa, maşina jasau salasy — yntymaqtastyqtyŋ eŋ qarqyndy damyp kele jatqan baǧyttarynyŋ bırı.
«Elımızde bügınde BYD, Howo, Yutong, Golden Dragon, Shacman, JAC, Jetour jäne basqa da brendterdıŋ önımderı şyǧarylady. Al ötken jyly Changan, Great Wall Motor jäne Chery jeŋıl avtokölıkterın seriialyq öndıru jolǧa qoiyldy»,– dedı ol.
Qasym-Jomart Toqaev metallurgiia salasyndaǧy ärıptestıkke de toqtaldy. Onyŋ sözınşe, «Qarmet» aksionerlık qoǧamy öndırıstık quattardy jaŋǧyrtu, tehnologiialyq tiımdılıktı arttyru jäne negızgı qorlardy jaŋartu baǧytynda jetekşı qytailyq kompaniialarmen bırlesken jūmystar jürgızıp keledı.
Sonymen qatar prezident jasyl energetika salasyndaǧy jobalardyŋ da nätijelı jüzege asyp jatqanyn jetkızdı. Bügınde qytailyq investorlardyŋ qatysuymen jalpy quaty şamamen 1,5 GVt bolatyn 29 joba ıske asyrylǧan. Būdan bölek, jiyntyq quaty 1,7 GVt-tan asatyn taǧy 11 joba jüzege asyru kezeŋınde tūr.
