Ūlttyq qauıpsızdık komitetı Siriiadan Qazaqstanǧa būrynǧy qazaqstandyq sodyrdyŋ 7 jasar qyzyn qaitardy. Būl turaly aqparat komitettıŋ resmi saitynda jariialandy, dep habarlaidy “Adyrna” ūlttyq portaly.
Onda müddelı memlekettık organdarmen, sondai-aq şeteldık serıktesterımen bırlesıp, azamattardy terroristık belsendılık aimaqtarynan qaitaru boiynşa qarqyndy jūmysty jalǧasyp jatqany jazylǧan.
Nätijesınde Siriiadan Qazaqstanǧa būrynǧy qazaqstandyq sodyrdyŋ 7 jasar qyzy qaitaryldy. Ony qaitaru boiynşa gumanitarlyq operasiia jarty jyldan astam uaqyt boiy jürgızılgen.
“Qazırgı uaqytta bala Astana qalasynyŋ balalardy qoldau ortalyǧynda, psihologiialyq jai-küiı qanaǧattanarlyq. Osy sätte qyz bala medisinalyq tekseruden ötıp jatyr. Ony beiımdeu jäne oŋaltu jūmystary jürgızılude. Jaqyn kezeŋde ol tuystarynyŋ qatarynan qamqorşylarǧa berıletın bolady”, - delıngen aqparatta.
Aita keteiık, komitet soŋǧy 4 jylda terroristık belsendı aimaqtardan 518 kämeletke tolmaǧan balany, onyŋ ışınde 34 jetım balany Qazaqstanǧa qaitarǧan.
https://youtu.be/FHp0Djc2SW0
