Sırııada Bashar Asad rejımine qarsy qarýly oppozıııa toptary men úkimet kúshteri arasynda qarýly qaqtyǵystar jalǵasýda, dep habarlaıdy "Adyrna" ulttyq portaly Anadolu Ajansı agenttigine siltep.
Úsh kúnge sozylǵan shaıqastar barysynda oppozıııa toptary Aleppo jáne Idlıb provınııalarynda keminde 70 eldi mekendi óz baqylaýyna alǵan.
27 qarashada Alepponyń batysyndaǵy úkimet áskerleri men qarýly toptar arasynda qaqtyǵystar bastalyp, qarýly oppozıııa kúshteri Aleppo qalasynyń ortalyq aýdandaryna deıin jetti. Olar keshke qaraı qala ortalyǵyndaǵy Sadalla ál-Djabırı alańyna kirgen.
Kóterilisshiler Aleppo provınııasyndaǵy úkimet baqylaýyndaǵy aımaqtarǵa keń aýqymdy shabýyl jasady. Sonyń saldarynan 130 adam qaza tapty. Qaqtyǵystar ásirese Aleppo men Idlıb aýmaqtarynda kúsheıip, eldiń soltústik-batys bóligindegi turaqsyzdyqty tereńdetip otyr.
Úsh kúnge sozylǵan qaqtyǵystar aımaqtaǵy gýmanıtarlyq jaǵdaıdy odan ári nasharlatyp, beıbit turǵyndardyń qaýipsizdigine qater tóndirdi. Bul jaǵdaı halyqaralyq qaýymdastyqtyń nazaryn qaıtadan Sırııadaǵy shıelenis pen onyń saldaryna aýdarýda.
