Jańaózen qalasy ákimdiginiń qoldaýymen, Jańaózen qalasynda "Baqyttymyn, janyp tur ishimde kún..." degen taqyrypta aqyn, fılosof, Qazaqstan jazýshylar odaǵynyń múshesi Murathan Shoqanmen taǵylymdyq kezdesý keshi ótti.
Kezdesýge qala ákimi Janseıt Kaınarbaev, ákimdik qyzmetkerleri, ár salanyń mamandary, qala turǵyndary men jastar qatysty. Keshti belgili azamat Arǵyn Bısenov júrgizdi.
Jańaózen qalasy sońǵy kezde jaqsy bastamalardy qolǵa alyp, qala halqynyń rýhanı ósýin nazarda ustap, túrli ıgi sharalar uıymdastyryp otyr. Aqynmen kezdesý qalaǵa irgeles kendirli aýylynda jalǵasyn tapty. Aqyn óleń oqyp, "ár úıde bir sham janyp tursyn", urpaq "otabasylyq sanamen shektelmeı, ulttyq, adamzattyq, jaratylystyq sanaǵa kóterilýi kerek" degen qaǵıdasymen bólisti. Qala ákiminiń qabyldaýynda bolyp el ıgiligi úshin, iske assa quba-qup jobalaryn usyndy.
