Jaŋaözende mūnaişylar taǧy da ereuılge şyqty. "ÖzenMūnaiGazǧa" servistık qyzmet körsetetın "Kezbi" kompaniiasynyŋ 500-ge juyq jūmysşysy keşe tünde jūmysty toqtatty, dep habarlaidy “Adyrna” ūlttyq portaly “İnformbiuro” jaŋalyqtar bölımıne sılteme jasap.
Kompaniianyŋ atqaruşy direktory "ÖzenMūnaiGazdan" alatyn tarif az, sondyqtan qarajattan ünemdeuge tura keledı dep aqtalady.
Osydan üş ai būryn ereuılge şyǧyp, 11 talap qoiǧan "Kezbi" kompaniiasynyŋ jūmysşylary keşeden berı jūmysty taǧy da toqtatty. Aitularynşa, jazdaǧy ereuılden keiın qabyldanǧan şeşım tolyq oryndalmaǧan. Komissiia şeşımı boiynşa jalaqy 50 paiyzǧa köterılıp, atqarylǧan jūmys kölemıne bailanysty 35 paiyzǧa deiın syiaqy berılu kerek bolǧan. 500-dei jūmysşy qyrküiek aiynda syiaqyny bergen joq deidı.
Bıraq jūmysşylardyŋ narazylyqqa şyqqandaryna bır täulık ötpei jatyp, kompaniia bügın syiaqy taǧaiyndap, esepşottaryna aqşa audarypty. Alaida jūmysşylar är ai saiyn syiaqymyzdy ereuılge şyǧyp talap ete almaimyz, tūraqty türde berılsın deidı.
"Arbitraj komissiiamen belgılı bır şeşımge jetkenbız. Endı osy aida sol şeşım būzyldy. Bylaişa aitqanda basşylar premiialnyi deidı aqşamyzdy tolyqtai tölegen joq. Qasym-Jomart Kemelūly Toqaev Maŋǧystau öŋırıne kelıp bırdei jūmys, bırdei jalaqy alu kerek dep aitqan zaŋdy türde. Al bızder qazır myna jerde tūrǧan jūmysşylar basqa mekemelermen bırdei jūmys jasaimyz. Bıraq jalaqymyz olardan bırneşe ese tömen deuge bolady", - deidı jūmysşy Qairat Qosmaǧambetov.
”Adyrna” ūlttyq portaly
