Búgin Úkimet otyrysynan keıin sý tasqynyna baılanysty baspasóz máslıhaty ótti, dep habarlaıdy "Adyrna" portaly.
Jıynǵa «Tasqyn sýǵa tas túıin daıynbyz» degen Tótenshe jaǵdaılar mınıstri Shyńǵys Árinov kelmeı, onyń orynbasary Baýyrjan Syzdyqov jaýap berdi. Jýrnalıster vıe-mınıstrge «Siz «Qudaıǵa shúkir, adam shyǵyny joq» dep rahmet aıtyńdar degen sekildi aıtyp otyrsyz ǵoı. Abaı oblysyna qarasty Aıagóz aýdanynda traktordyń ústine 10 saǵat otyryp, eki azamat sýǵa aǵyp ketti. Qazir olardyń denesin taba almaı jatyr. On saǵat boıy qutqarýǵa bara almaýlaryńyzdyń sebebi nede?» dep suraq qoıdy.
- Birinshiden, men adam shyǵyny joq dep aıtqan kezde, bizge raqmet aıtyńyzdar nemese marapatttańyzdar degen maqsatta aıtqan joqpyn. Men raqmet alý úshin, halyq alǵys aıtsyn dep aıtpadym. Shúkir dep aıtý kerek dep shyn júrekten aıtyp otyrmyn,- deıdi ol.
- Ekinshiden, traktorden eki adamnyń joǵalýy sý tasqynyna baılanysty emes. Ony biz durys túsinýimiz kerek. Olar joldy qysqartý úshin tasyp jatqan ózenge ózderi kirip ketken. Demek, ol sýdyń ortasynda birden qalyp ketken joq. Ózi joldy qysqartý úshin ózi kirip otyr. Biz durys túsinýimiz kerek. “On saǵat” dep ulǵaıtylǵan. Ol jerde on saǵat ótken joq. Oryssha aıtqanda “ý straha glaza velıkı» deıdi ǵoı. Mysaly, kóp jerde órt bolǵan kezde, azamattar “órt sóndirý kóligi keshigip kelip jatyr” deıdi. Al, shyndyǵynda sanaýly sekýndtar ótip jatady. Bul jerde de sondaı nárse. Bizdiń ol jerge kesh jetkenimizdiń sebebi, búkil ózenderdiń boıymen sýlardyń kózderinde bizdiń qutqarýshylar turǵan joq. Oǵan ýaqyt kerek. Sondyqtan, biz ol jerge eń jaqyn jerdegi qutqarýshylarymyzdy jiberdik. Sodan keıin, osyndaı jaǵdaı boldy, - deıdi Tótenshe jaǵdaı vıe-mınıstri Baýyrjan Syzdyqov.
Sondaı-aq vıe-mınıstr tikushaqpen qaýipti aımaqqa baratyn kezde ushqyshtyń qaýipsizdigin oılaý kerek ekenin eskertti.
- Mysaly, eger sheteldik tájirıbeni alatyn bolsaq, Eýropada órtenip jatqan úıdiń ishine órt sóndirýishi kirmeıdi. Birinshi ol óziniń qaýipsizdigin oılaıdy. Túnde tikushaqpen ushqan ushqyshtyń qaýipsizdigin de oılaýymyz kerek. Ol jerde qara túnek, eshteńe kórinbeıdi. Osyndaı qıyndyqtar bolyp jatyr. Búgingi tańda qutqarý jumystar der kezinde atqarylyp jatyr, - degen vıe-mınıstr uzaǵynan aqtaldy.
- Al, jańaǵy eki kisiniń sýǵa ketkeni sý tasqynyna baılanysty emes. Bizdiń halyq «Ot pen sý — tilsiz jaý» deıdi. Biz tilsiz jaýdyń bireýi sý tasqynymen kúresip jatyrmyz. Jazda órtpen kúresemiz. Tilsiz jaýmen tek qana qutqarýshylar men memlekettik organdar kúrespeýi kerek. Tilsiz jaýmen azamattarymyz da kúrese bilýi qajet. Eger tasyp jatqan sý bolsa, bizdiń azamattarymyz ol sýǵa kirmeý kerek. Onyń kúresi sonda. Eń birinshi adam óziniń qaýipsizdigin oılaý kerek. Men ony nege aıtyp jatyrmyn? Erteń Qazaqstannyń bolashaǵyn quratyn jastar men óskeleń urpaq ony durys túsinýi qajet. Olar traktordaǵy eki azamat sııaqty tasqynǵa baryp kirmeýi kerek. Sol úshin aıtyp jatyrmyn, - dedi Tótenshe jaǵdaı vıe-mınıstri Baýyrjan Syzdyqov.
