Memleket basshysynyń Jarlyǵymen Tamara Bosymbekqyzy Dúısenova Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymyna qaıta taǵaıyndaldy, dep habarlaıdy "Adyrna" ulttyq portaly Aqordaǵa silteme jasap.
Aıta keterligi, Qazaqstanda zeınetke shyǵý jasyn tómendetýge qatysty bastamalar jıi kóterilip keledi. 15 naýryz kúni ótken Senattyń jalpy otyrysynda buǵan qatysty "burynǵy" jáne "qazirgi" Eńbek jáne halyqty áleýmettik qorǵaý mınıstri Tamara Dúısenova tómendegideı jaýap qatqan edi.
"Nátıjesinde, azamattarymyzdyń ómir súrý uzaqtyǵynyń jaqsaratyn bolsa, 2029 jyldan bastap biz bul máselege qaıta oralamyz, eger bári osy deńgeıde qalsa nemese, kerisinshe, tómenirek bolsa, onda árıne, jas shekteýi máselesi mindetti túrde qaıta qaralady".
Mınıstr qazaqstandyqtardyń zeınetke shyǵý jasy ómir súrý uzaqtyǵy jáne olardy zeınetaqymen qamsyzdandyrý deńgeıi boıynsha qarastyrylatynyn málimdegen bolatyn. Mınıstr zeınet jasynyń tómendeýine qatysty naqty jaýapty berýge asyqpaı, bul máselege 2029 jyly qaıta oralatynyn habarlap, qysqa qaıyrǵan-tuǵyn.
"Nátıjesinde, azamattarymyzdyń ómir súrý uzaqtyǵynyń jaqsaratyn bolsa, 2029 jyldan bastap biz bul máselege qaıta oralamyz, eger bári osy deńgeıde qalsa nemese, kerisinshe, tómenirek bolsa, onda árıne, jas shekteýi máselesi mindetti túrde qaıta qaralady", dep habarlaıdy Tamara Dúısenova.
Oraıy kelgende aıta keteıik, "burynǵy" jáne "qazirgi" Eńbek jáne halyqty áleýmettik qorǵaý mınıstri Tamara Dúısenova 1965 jyly 11 qańtarda Túrkistan oblysynda týǵan.
1987 jyly Tashkent halyq sharýashylyǵy ınstıtýtyn bitirdi, mamandyǵy – ınjener-ekonomıst, ekonomıka ǵylymdarynyń kandıdaty.
Eńbek jolyn 1988 jyly ınstıtýtty aıaqtaǵannan keıin Ońtústik Qazaqstan oblysy Saryaǵash aýdanyndaǵy orta mekteptiń ınformatıka pániniń muǵalimi qyzmetinen bastady.
1988-1992 jyldary Ózbek SSR-niń Memlekettik josparlaý komıtetiniń Ekonomıka ǵylymı zertteý ınstıtýtynyń ekonomısi bolyp jumys istedi. Keıinnen Ońtústik Qazaqstan oblysy Saryaǵash aýdany ákiminiń keńesshisi, orynbasary qyzmetin atqardy.
1997-1999 jyldary – Shymkent qalasy ákiminiń birinshi orynbasary;
1999-2002 jyldary – Ońtústik Qazaqstan oblysy ákiminiń orynbasary;
2002-2006 jyldary – Qazaqstan Respýblıkasy Eńbek jáne halyqty áleýmettik qorǵaý mınıstrliginiń vıe - mınıstri;
2006 - 2008 jyldary - Ońtústik Qazaqstan oblysy ákiminiń orynbasary;
2008 – 2013 jyldary Qazaqstan Respýblıkasy Eńbek jáne halyqty áleýmettik qorǵaý mınıstrliginiń jaýapty hatshysy; Eńbek jáne halyqty áleýmettik qorǵaý vıe-mınıstri (02.2013-06.2013); Eńbek jáne halyqty áleýmettik qorǵaý mınıstri (2013-2014); QR Densaýlyq saqtaý jáne áleýmettik damý mınıstri (2014-2017); Eńbek jáne halyqty áleýmettik qorǵaý mınıstri (2017-2018); «Nur Otan» parııasynyń hatshysy (2018-2019). «Eńbek resýrstaryn damytý ortalyǵy» AQ jetekshisi (2019-2020).
2020 jyldyń mamyrynda Prezıdent kómekshisi-Prezıdent Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndalǵan. «Qurmet» ordenimen, «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýııasyna 10 jyl» (2005) medaldarymen marapattalǵan.
Tamara Bosymbekqyzy Dúısenova 2022 jyly 11 sáýirden beri Eńbek jáne halyqty áleýmettik qorǵaý mınıstri qyzmetin atqaryp keldi.
"Adyrna" ulttyq portaly
