1 qyrküiekte Memleket basşysy Qasym-Jomart Toqaev Qazaqstan halqyna joldau jasady. Kezektı joldau «Ädılettı Qazaqstannyŋ ekonomikalyq baǧdary» dep ataldy. Mäjılıs pen Senat bas qosqan jiynda Qazaqstannyŋ ışkı ärı syrtqy saiasatyna qatysty bırqatar mäseleler köterılıp, mındetter jükteldı.
Prezident joldaudan soŋ bırqatar ministrdı qyzmetten bosatsa, endı bırın qaita taǧaiyndady. Ükımette Memleket basşysynyŋ "Qazaqstan Respublikasynyŋ memlekettık basqaru jüiesın odan ärı jetıldıru jönındegı şaralar turaly" jarlyǧymen 5 ministrlık qūryldy.
Odan bölek, aptanyŋ alǧaşqy künınde bilıkte bırneşe auys-tüiıs boldy.
Prezident jarlyǧymen Ǧalymjan Pırmatov Ūlttyq bank töraǧasy lauazymynan bosatyldy. 1972 jyly tuǧan azamat būl qyzmetke ötken jyldyŋ aqpan aiynda taǧaiyndalǧan bolatyn.
Ūlttyq banktıŋ töraǧasy retınde Timur Süleimenov taǧaiyndaldy. Prezident ūsynysyn senatorlar bırauyzdan qoldaǧan.
Auyl şaruaşylyǧyn 2 jyl basqarǧan Erbol Qaraşökeev Auyl şaruaşylyǧy ministrı lauazymynan bosatyldy. 2021 jyldyŋ küzınde ministrlıkke kelgen Erbol Şyraqpaiūly ötken jyly qaita taǧaiyndalǧan edı.
Qaraşökeevtı Aidarbek Saparov almastyrdy. Auyl şaruaşylyǧy ministrı qyzmetınde taǧaiyndalǧan jaŋa basşy būryn Soltüstık Qazaqstan oblysyn basqardy.
Prezidenttıŋ jaŋa keŋesşısı bolyp Qanat Bozymbaev sailandy. Ol 2021 jylǧy qaraşadan 2022 jylǧy mausymǧa deiın Almaty oblysy äkımı qyzmetın atqardy.
Jaŋadan qūrylǧan ministrlıktıŋ bırı Su resurstary jäne irrigasiia ministrı bolyp Nūrjan Nūrjıgıtov taǧaiyndaldy.
Memleket basşysynyŋ Jarlyǧymen Qanat Bisimbaiūly Şarlapaev QR Önerkäsıp jäne qūrylys ministrı lauazymyna taǧaiyndaldy.
Sondai-aq Astana qalasy äkımınıŋ kömekşısı qyzmetıne Ersın Ötebaev keldı.
Ūqsas jaŋalyqtar
